flugfréttir
Júmbó-þota íranska flughersins skemmdist við D-skoðun
Sjá má skemmdirnar á hreyflum vélarinnar á meðfylgjandi ljósmynd
Gömul júmbó-þota af gerðinni Boeing 747-200B varð fyrir töluverðum skemmdum í Íran á dögunum er uppkeyrsla á hreyflum fór úr böndunum við viðhaldsskoðun á Mehrabad-flugvellinum í Teheran.
Júmbó-þotan, sem er í eigu íranska flughersins, sem er sú eina í flotanum, var að
gangast undir D-skoðun þegar óhappið átti sér stað en slík skoðun er sú
umfangsmesta sem fram fer á flugvélum.
Ekki kemur fram nákvæmlega hvað fór úrskeiðis en samkvæmt íranska
fréttamiðlunum Independent Persian þá kemur fram að bremsur á hjólabúnaði júmbó-þotunnar hafi gefið sig í uppkeyrslunni.
Júmbó-þotan, sem ber skráninguna 5-8106, var áður í flota Iraqi Airways
D-skoðunin hefur dregist töluvert á langinn eða í 6 ár en þotuna fékk íranski flugherinn frá Iraqi Airways á níunda áratugnum.
D-skoðun (Check D) er framkvæmd á 6 til 10 ára fresti og getur það tekið
allt að sex vikur að ljúka slíkri skoðun sem er mjög tímafrek þar sem næstum hver
einasti hlutur flugvélar er skoðaður.
Júmbó-þotan sem skemmdist er yfir 40 ára gömul og kostnaður við D-skoðun fyrir slíka þotu
á þessum aldri getur numið yfir 350 milljónum króna.
Fram kemur að íranski flugherinn mun að öllum líkindum láta gera við júmbó-þotuna og mun hún sennilega fá JT9D-hreyfla af gamalli Boeing 747SP júmbó-þotu sem var sú síðasta sem eftir var í flota Iran Air.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.