flugfréttir
Mesta tap í sögu Rolls-Royce - Tveimur verksmiðjum lokað
- 996 milljarða króna tap á fyrri árshelmingi
Rolls-Royce sér ekki fram á að ástandið í fluginu og að eftirspurn eftir nýjum hreyflum eigi eftir að verða sú sama og hún var fyrr en árið 2025
Útlitið hefur aldrei verið eins dökkt hjá hreyflaframleiðandanum Rolls-Royce sem hefur birt uppgjör sitt eftir fyrri helming ársins og er tapreksturinn á því tímabili sá mesti í sögu fyrirtækisins.
Rolls-Royce hefur ákveðið að loka tveimur verksmiðjum á Bretlandi og verður allt að 5.000
starfsmönnum sagt upp á næstunni til viðbótar við þá 4.000 starfsmenn sem hafa þegar yfirgefið fyrirtækið á þessu ári.
Tap hreyflaframleiðandans á fyrri helmingi ársins nam 996 milljörðum króna sem
rekja má að stórum hluta til kórónuveirufaraldursins og telur
Warren East, framkvæmdarstjóri Rolls-Royce, að eftirspurn eftir nýjum hreyflum eigi ekki
eftir að verða sú sama og hún var árið 2019 fyrr en í fyrsta lagi árið 2025.
Verksmiðjunum tveimur sem verður lokað eru staðsettar í Nottinghamshire
og Lancashire þar sem samsetning fór fram á nýjum hreyflum fyrir breiðþotur
og flyst samsetning og prófanir á þeim stöðum til verksmiðjunnar í Derby.
Rolls-Royce mun aðeins afhenda helminginn af þeim hreyflum sem til stóð að afhenda í ár
Fram kemur að Rolls-Royce hagnast ekki eingöngu á sölu á hreyflum heldur er stærsti
hluti af tekjum framleiðandans tilkomnar vegna notkunar á hreyflunum. Það þýðir að
þegar flugfélög fóru að leggja flugvélum vegna COVID-19 þá hrundu tekjur
fyrirtækisins niður.
Rolls-Royce ætlaði sér að framleiða 450 hreyfla á þessu ári en núna er ljós að
fyrirtækið mun aðeins afhenda um 250 hreyfla í ár.
Til stendur að selja spænska dótturfélagið ITP Aero til þess að auka lausafjárstöðu Rolls-Royce um tæpa 400 milljarða króna en litlar líkur eru á því að framleiðandinn nái að verða sér úti um 800 milljarða sem til þarf til þess að bæta upp fyrir það fé sem talið er að fyrirtækið eigi eftir að tapa þegar árið 2020 er á enda.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.