flugfréttir
Hverfi nálægt Heathrow gætu breyst í draugabæi
- Fjöldi íbúar í hverfunum hafa starfað í marga áratugi á Heathrow-flugvelli
Götumynd frá King Street í Southall-hverfinu í London nálægt Heathrow-flugvellinum
Varað er við því að fækkun farþega um Heathrow-flugvöll og langvarandi ástand vegna COVID-19 heimsfaraldursins gæti orðið til þess að íbúum eigi eftir að snarfækka í nokkrum hverfum nálægt flugvellinum þar sem fjöldi íbúa sem þar búa hafa misst vinnuna sína eftir að hafa starfað á Heathrow.
Um er að ræða hverfi á borð við Southall, Hounslow, Slough og Hillingdon
en í þessum hverfum búa margir af asískum og indverskum uppruna
sem hafa haft lífsviðurværi af störfum tengdum flugvellinum.
John Holland-Kaye, framkvæmdarstjóri Heathrow-flugvallarins og
Virendra Sharma, bæjarfulltrúi í Ealing Southall, greindu frá því að
sambærileg staða gæti komið upp líkt og þegar kolaiðnaðurinn hrundi á Englandi á níunda áratugnum vegna aðgerða ríkisstjórnar Margaret Thatcher sem varð til þess að fjölda hverfa lögðust í eyði
á norðurhluta Englands.
„Svæði nálægt Heathrow-flugvellinum gætu orðið að draugabæjum ef
ekki er gripið til neinna aðgerða. Tugþúsundir mann, flestir frá Indlandi
og öðrum svæðum í Asíu, sem hafa unnið á Heathrow í gegnum
allt að þrjár kynslóðir, hafa misst vinnuna sína“, segir Holland-Kaye.
Tómlegra hefur verið um að litast á Terminal 5 flugstöðinni á Heathrow-flugvelli en sl. ár
Holland-Kaye segir að breska ríkisstjórnin hafi enga ákveðna stefnu
í gangi varðandi framhaldið hvort sem varðar Heathrow eða Gatwick-flugvöll en nú þegar er búið að skrifa bréf og senda til ríkisstjórnarinnar varðandi erindið.
Sharma segir að hann sé þegar farinn að sjá áhrifin verða að veruleika
en í Hounslow-hverfinu búa um 11.000 manns sem starfa á Heathrow-flugvelli
og í nærliggjandi hverfum eru aðrir 27.000 íbúar sem starfa með einum
eða öðrum hætti við flugiðnaðinn sem tengist Heathrow.
Þess má geta að á hverjum degi í ágúst í fyrra fóru 221.000 farþegar
um Heathrow-flugvöll en daglegur fjöldi farþega seinasta mánuði voru
um 27.000 farþegar.
Holland-Kaye hefur farið fram á við ríkisstjórn Boris Johnson að gefið
verði leyfi fyrir að setja upp
COVID-19 skimunarstöðvar á Heathrow-flugvellinum
svo hægt verði að fjölga flugferðum á ný sem myndi hraða fyrir batanum
með aukinni flugumferð hægt og rólega.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.