flugfréttir
Eina fjögurra hreyfla þotan sem á sér framtíð hjá Lufthansa
- Risaþotan Airbus A380 fer sennilega úr flota frá Lufthansa
19. september 2020
|
Frétt skrifuð kl. 16:14
Boeing 747-8, júmbó-þota, Lufthansa
Júmbó-þotan, Boeing 747-8, er eina fjögurra hreyfla flugvélin sem á sér örugga framtíð hjá Lufthansa.
Þetta sagði Carsten Spohr, framkvæmdarstjóri Lufthansa, á fundi
sem hann átti með starfsmönnum félagsins í vikunni þar sem hann tilkynnti að flugfélagið muni á næstunni ákveða örlög risaþotunnar Airbus A380.
Carsten undirstrikaði þau áhrif sem
COVID-19 heimsfaraldurinn
hefur haft á rekstur Lufthansa og eru bókanir á flugmiðuðum fyrir október
mánuð aðeins 10% af þeim bókunum sem höfðu átt sér stað fyrir sama
mánuð á þessum tíma í fyrra.
Þær flugvélategundir sem verða hvað verst fyrir barðinu eru stórar, fjögurra hreyfla þotur á borð við Airbus A380 en félagið íhugar að halda einhverjum Airbus A340-600 breiðþotum áfram en þá er Lufthansa einnig að skoða möguleika á að hraða afhendingum
á nýjum A350-900 þotum frá Airbus.
Þá sagði Carsten Spohr að ólíklegt sé að Lufthansa taki við
fyrstu Boeing 777X þotunum fyrr en í fyrsta lagi um vorið 2022
en félagið á von á 40 þotum af gerðinni Boeing 777-8 og Boeing 777-9.
Allt stefnir í að Lufthansa verði eina flugfélagið í Evrópu til að bjóða upp á farþegaflug með júmbó-þotunni en KLM, Virgin Atlantic og British Airways lögðu sínum Boeing 747 þotum í sumar í kjölfar kórónaveirufaraldursins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
