flugfréttir
Kaupa 24 Boeing 757 þotur sem verður breytt í fraktflugvélar
- Eigandi flugvélakirkjugarðs sér fram á mikla eftirspurn eftir fraktflugvélum
Allar Boeing 757-200 þoturnar tuttugu og fjórar eru í dag í geymslu í flugvélakirkjugarðinum í Roswell í Nýju-Mexíkó
Bandaríska fyrirtækið AerSale hefur fest kaup á 24 farþegaþotum af gerðinni Boeing 757-200 en til stendur að breyta flestum þeirra í fraktþotur á meðan nokkrar verða rifnar niður í varahluti.
Allar þoturnar eru í dag í geymslu í flugvélakirkjugarðinum í
Roswell í New Mexico og á geymslusvæði í Goodyear í Arizona en AerSale á og rekur flugvélageymslusvæðið í Roswell og annast einnig viðskipti með flugvélar og varahluti.
Miklar líkur eru á því að flestar af þessum Boeing 757-200 þotum hefðu annars farið í niðurrif og endað í varahlutum en með aukinni eftirspurn eftir flutningum á vörum með flugi sér
AerSale tækifæri á því að breyta þotunum yfir í fraktflugvélar til að anna eftirspurninni
í fraktfluginu.
Boeing 757-200 þoturnar koma allar með RB211 hreyflum frá Rolls-Royce og eru þær meðal
500 annarra flugvéla sem eru í geymslu á Roswell og Goodyear.
Flestar stórar þotur sem lenda í Roswell fljúga aldrei aftur og eru að fljúga þá sitt síðasta flug
„Fyrir tíma COVID-19 þá var flogið með meira magn af frakt í fraktrými á farþegaþotum
heldur en gert var með fraktflugvélum. Í ljósi þeirrar niðursveiflu sem hefur orðið í farþegaflugi
og sprengingu í sölu á vörum í gegnum Netið þá er komin upp skortur á fraktflugvélum um ókomna framtíð“, segir Craig Wright hjá AerSale.
AerSale þjónustar fyrirtæki í flugrekstri og flugfélög um varahluti fyrir stórar flugvélar, flestar
af gerðinni Boeing, Airbus og McDonnell Douglas og sér fyrirtækið um dreifingu, sölu og þjónustu á flugvélapörtum fyrir flugvélaverkstæði og viðhaldsstöðvar um allan heim.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.