flugfréttir
Núverandi sótthreinsiaðferðir nóg til að drepa veiruna
- Boeing og háskólinn í Arizona gerðu tilraunir með lifandi veirur í flugvél
Gerðar voru tilraunir bæði með mismunandi sótthreinsiefnum og mismunandi aðferðum og kom í ljós að allt bar árangur og drap veiruna um borð
Niðurstöður úr nýrri rannsókn sem Boeing hefur framkvæmt í samstarfi við vísindamenn við háskólann í Arizona, sýnir fram á að þær sótthreinsunaraðferðir, sem flugfélög eru að notast við í dag, dugar til að drepa veirur á borð við kórónaveiruna í flugvélum.
Að sótthreinsa allt farþegarýmið á milli flugferða er ein af þeim leiðum sem flugfélög hafa gripið til í heimsfaraldrinum og segja vísindamenn, sem hafa rannsakað þessar aðferðir, að þær skili það miklum árangri að nær ógjörningur sé að ná að smitast af veirunni í flugi séu sótthreinsunarefni notuð á alla snertifleti og allt farþegarýmið.
Komu veiru fyrir á 230 stöðum um borð í flugvél
Vísindamenn komu veiru fyrir í farþegarými á flugvél sem svipar til kórónaveirunnar sem
nefnist MS2. Sú veira er ekki eins skaðleg og COVID-19 en þó er erfiðara að drepa þá veiru heldur en SARS-CoV-2.
Veirunni var komið fyrir á 230 stöðum inni í flugvélinni og meðal annars á borðskemlum, armpúðum, á
sætum og höfuðpúðum, á haldföng á farangursgeymslum, inn á salernum og í
eldhúsrými.
Eftir að prófanir voru gerðar með mismunandi sótthreinsiaðferðum og með mismunandi efnum var farið yfir alla þá staði þar sem veirunni var komið fyrir og kom í ljós að öll þau efni sem notuð voru náðu að drepa MS2 veirurnar á öllum stöðum. Því er talið að með sömu aðferðum og efnum má líka ná að drepa kórónaveiruna.
Boeing mun ásamt vísindamönnunum framkvæma aðra tilraun með SARS-CoV-2 og kórónaveiruna
Þessar fréttir koma nokkrum dögum eftir að Alþjóðasamtök flugfélaganna (IATA) greindu
frá því að hverfandi líkur væru á því að smitast af veirunni um borð í farþegaflugi
og hafa samtökin lýst því yfir að um 1.2 milljarður farþega hafa nú þegar ferðast í heiminum með flugi á þessu ári og sé aðeins vitað um 44 smit sem má rekja til farþegaflugs.
Flest smitin voru rakin áður en farþegar voru skyldaðir til þess að bera grímur af flestum
flugfélögum og má því áætla að líkurnar á að smitast í farþegaflugvél séu 1 á móti 27.000.000.
Fram kemur að Boeing og háskólinn í Arizona ætli að halda áfram prófunum og stendur til að gera tilraunir með sótthreinsiaðferðir bæði á SARS-CoV-2 veiruna og á kórónaveiruna.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.