flugfréttir
Atvinnuflugnám fjölmennasta námsgreinin hjá Keili
- 237 nemendur skráðir í atvinnuflugmannsnámi
22. október 2020
|
Frétt skrifuð kl. 19:58
Aðflug að flugvellinum í Bíldudal á kennsluflugvél frá Keili (Flugakademíu Íslands)
Langflestir þeir nemendur sem sækja nám hjá Keili leggja stund á atvinnuflugmannsnám en starfsfólk hjá mennta- og þjónustusviði Keilis tók nýverið saman tölulegar upplýsingar um nemendur hjá skólanum.
Fram kemur að á yfirstandandi skólaári stunda ríflega þúsund einstaklingar nám við Keilir en flestir eru nemendur Háskólabrúarinnar sem eru 332 alls.
Ekkert lát hefur orðið á vinsældum skólans sem trónað hefur efst á lista undanfarin ár. Lokapróf úr frumgreinanáminu telst sambærilegt stúdentsprófi og nægir til inntöku
í allar deildir Háskóla Íslands og gildir það sama um fjölmarga skóla bæði hérlendis og erlendis.
Fjölmennasta námslínan er þó atvinnuflugmannsnám en skráðir nemendur eru 237 talsins, næst fjölmennust er félagsvísinda- og lagadeild Háskólabrúarinnar sem telur
158 nemendur. Umsvif Flugakademíu Íslands hafa aukist þó nokkuð undanfarin misseri en nemendur hafa kost á að stunda bóklegt nám við starfsstöðvar í Hafnarfirði
og í Reykjanesbæ og verklegt nám fer fram bæði við Keflavíkurflugvöll og Reykjavíkurflugvöll.
Kynjaskipting við Keili er því sem næst jöfn og er meðalaldur nemenda um þrítugt. Yngstir eru nemendur Menntaskólans á Ásbrú en meðalaldur við skólann er 23 ára.
Atvinnuflugsnemendur í bóklegri kennslustund hjá Flugakademíu Íslands
Á Stúdentsbraut með áherslu á tölvuleikjagerð er meðalaldurinn 16 ára en meðalaldur nemenda sem skráðir eru í opna framhaldsskólaáfanga er 30 ára sem hækkar meðaltalið
all nokkuð.
Hæst hlutfall nemenda býr á höfuðborgarsvæðinu eða 60% en um það bil fjórðungur er búsettur á Reykjanesi. Nemendur koma þó víðar af en svo eða frá 22 mismunandi löndum.
Um 6% nemendahópsins koma erlendis frá, flestir frá Danmörku (17), Póllandi (6) og Svíþjóð (4).
Þrátt fyrir að COVID-19 heimsfaraldurinn kunni að leggjast misjafnt í þá sem stunda atvinnuflugmannsnám vegna þess ástand sem varir nú í flugiðnaðinum þá eru flestir sérfræðingar
í flugmálum erlendis sammála um að flugið muni jafna sig líkt og áður eftir aðrar sambærilegar niðursveiflur sem hafa dunið yfir.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
