flugfréttir
Ryanair pantar 75 þotur af gerðinni Boeing 737 MAX
- Eiga von á 210 Boeing 737 MAX 200 þotum á næstu árum
3. desember 2020
|
Frétt skrifuð kl. 15:48
Boeing 737 MAX þota sem smíðuð hefur verið fyrir Ryanair
Ryanair undirritaði í dag samning við Boeing um pöntun á 75 farþegaþotum til viðbótar af gerðinni Boeing 737 MAX.
Um staðfesta pöntun er að ræða og mun heildarfjöldi þeirra Boeing 737 MAX flugvéla sem pantaðar hafa verið af Ryanair því fara upp í 210 þotur.
Pöntunin samastendur af Boeing 737 MAX 200 þotum sem er sérstök útgáfa af 737 MAX 8 sem er ætluð fyrir lágfargjaldaflugfélög og kemur sú þota með sæti fyrir 197 farþega.
Boeing kynnti 737 MAX 200 til leiks árið 2014 og var á sama tíma kynnt um pöntun
Ryanair sem þá lagði inn pöntun í 100 slíkar þotur með möguleika á 100 þotum til viðbótar.
Ryanair ákvað svo árið 2017 að panta tíu Boeing 737 MAX 200 þotur til viðbótar árið 2017 og 25 bættust við á pöntunarlistann árið 2018 og átti félagið því von á 135 þotum þar til í dag og á lágfargjaldarfélagið írska því von á 210 þotum á næstu árum.
Fyrsta pöntunin í 737 MAX frá því kyrrsetningunni var aflétt
Þetta er fyrsta pöntunin sem Boeing fær í Boeing 737 MAX frá því að kyrrsetningu
vélanna var aflétt af bandarískum flugmálayfirvöldum (FAA) þann 18. nóvember síðastliðinn.
Ekki kemur fram hvert kaupverðið er en talið er að Michael O´Leary, framkvæmdarstjóri
Ryanair, hafi fengið mjög góðan afslátt en samkvæmt listaverði er pöntunin
metin á 1.134 milljarða króna.
„Við erum mjög þakklát fyrir það að Ryanair hafi enn og aftur sýnt traust sitt á Boeing 737 þotunum og að félagið haldi áfram að byggja upp framtíðarflugflota sinn með þessari pöntun“, segir Dave Calhoun, framkvæmdarstjóri Boeing.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
