flugfréttir
Rolls-Royce ætlar að einblína á hreyfla fyrir minni þotur
- Sjá ekki fram á mikla eftirspurn eftir hreyflum fyrir breiðþotur á næstunni
3. desember 2020
|
Frétt skrifuð kl. 20:45
Rolls-Royce hefur verið leiðandi í þróun og framleiðslu á hreyflum fyrir stórar breiðþotur
Breski hreyflaframleiðandinn Rolls-Royce hefur tilkynnt að fyrirtækið ætli að einblína á næstunni á framleiðslu á hreyflum fyrir meðalstórar flugvélar en fyrirtækið hefur sl. ár sérhæft sig í þróun og framleiðslu á hreyflum fyrir stórar breiðþotur.
Rolls-Royce segir að þar sem töluverð niðursveifla virðist vera í eftirspurn eftir breiðþotum og á þeim markaði sem snýr að langflugi þá leitar fyrirtækið leiða til þess að komast í gegnum
krísuna vegna heimsfaraldursins.
Fyrirtækið hefur þegar haft viðræður við Airbus um þróun á nýrri kynslóð hreyfla fyrir minni farþegaþotur sem gætu mögulega komið á markaðinn fyrir árið 2035 á meðan óvíst er um hvenær aftur verður
eftirspurn eftir stórum hreyflum fyrir breiðþotur.
Rolls-Royce hefur þegar unnið að UltraFan hreyflinum og áttu tilraunir á jörðu niðri með þann hreyfil að hefjast á næsta ári en því hefur verið frestað vegna faraldursins. Sá hreyfill átti meðal annars að knýja áfram nýju Boeing 797 framtíðarþotuna en óvíst er hvenær og hvort að Boeing eigi eftir að hefja framleiðslu á þeirri þotu.
Simon Burr, yfirmaður yfir tæknideild Rolls-Royce, segir að með UltraFan hreyflinum og núverandi
framleiðslu á Trent-hreyflinum, gæti fyrirtækið boðið upp á mjög viðtækt úrval af hreyflum fyrir allar
stærðir af þotum.
Hinsvegar er framhaldið á heimsfaraldrinum það óljóst að Rolls-Royce neyðist til að bíða
og sjá hver þróunin verður og hversu hratt flugiðnaðurinn á eftir að koma til baka.
Rolls-Royce hefur unnið að því að aðlaga rekstur og framleiðsluna að breyttum aðstæðum og
sagði fyrirtækið meðal annars upp 1.400 manns í nóvember og eiga þær aðgerðir að tryggja
framtíð Rolls-Royce.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
