flugfréttir
Flaug sitt eigið flug samtímis í flughermi um borð í flugi
- Lét drauminn verða að veruleika að fljúga í flughermi í farþegaflugi
Flughermaflugið hjá Rami fylgdi mjög nákvæmlega eftir fluginu sem hann var farþegi um borð í alla leiðina til Amsterdam
Flughermasamfélagið stækkar ört og daglega fjölgar þeim einstaklingum í heiminum sem fljúga flugvélum án þess að fara út úr húsi.
Rekja má töluverða fjölgun í ár með tilkomu flughermisins Flight Simulator 2020 sem Microsoft kom formlega með
á markaðinn í ágúst á þessu ári og þykir hann einn nákvæmasti flughermir sem til er í dag er kemur
að grafík og raunveruleika en þá hefur flughermirinn X-Plane einnig notið mikilla vinsælda.
Meðal þess sem fjölmargir flughermaflugmenn stunda er að fljúga áætlunarflug í rauntíma sem flogið er á
sama tíma og áætlunarflug hjá tilteknu flugfélagi og má skoða meðal annars nákvæmnina með að bera
saman ratsjársíðuna Flightradar24 og flughermaratsjársíðuna VATSIM sem er sýndareveruleikasamfélag
þeirra sem fljúga í gegnum Netið.
Bæði flugin í aðfluginu að Schiphol-flugvellinum í Amsterdam
á sama tíma
Einn flughermaflugmaður ákvað að taka „delluskapinn“ upp á næsta stig er hann flaug yfir Atlantshafið í „alvöru flugi“
og flaug svo sama flugið og hann var að taka samtímis í fartölvu í gluggasætinu.
Rami Ismail, sem starfar sem tölvuleikjaforritari, segist lengi hafa langað til þess að fljúga áætlunarflug í flughermi í fartölvu á meðan hann er farþegi í sama flugi í raunveruleikanum.
„Ég er alveg ótrúlega, ótrúlega spenntur fyrir því að loksins er ég að prófa þetta. Það er komin tími til að fljúga í Flight Simulator um borð í flugvél“, skrifaði Rami inn á Twitter-síðuna sína í gær.
Þegar Rami var búinn að koma sér fyrir um borð í beiðþotu frá KLM á flugvellinum í Montréal, tók hann upp fartölvuna sína og setti upp flugið í Flight Simulator fyrir brottför til Amsterdam.
Rami var svo tilbúin í brautarstöðu í Flight Simulator og um leið og flugvélin, sem hann var farþegi
um borð í hóf flugtak, gerði hann það líka. Því næst uppfærði hann stöðuna nokkrum sinnum
á Twitter til þess að sýna fylgjendum sínum hversu nákvæm flugin tvö voru.
Skjáskot úr Microsoft Flight Simulator 2020 flugherminum
Að meðaltali var flughermaflugið um sex mínútum á eftir áætlun á leiðinni yfir Atlantshafið og komu bæði flugin að ströndum Írlands á sama tíma og hófu lækkun á mjög svipuðum tíma. Skömmu síðar tók Rami fram úr sjálfum sér og lenti hann í flugherminum á Schiphol-flugvellinum 4 mínútum á undan raunverulega fluginu.
„Hermirinn var 4 mínútum á undan. Veðrið var nákvæmlega eins og skýin líka, birtan alveg nákvæmlega
sú sama og stjörnurnar. Tryllt. Algjörlega magnað“, skrifaði Rami.
This was takeoff, since that didn't upload earlier. I enabled the AI-self control the moment I felt acceleration. pic.twitter.com/1HSqMK1pd8
— Rami Ismail (رامي) (@tha_rami) December 2, 2020
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.