flugfréttir
Dornier 328eco kemur á markaðinn árið 2025
- Deutsche Aircraft kynnir nýja kynslóð af Dornier 328 flugvélinni
8. desember 2020
|
Frétt skrifuð kl. 14:48
Tölvugerð mynd af Dornier 328eco
Þýski flugvélaframleiðandinn Deutsche Aircraft kynnti formlega í gær nýja kynslóð af Dornier 328 flugvélinni sem fengið hefur nafnið Dornier 328eco sem til stendur að koma með á markaðinn eftir fimm ár.
Flugvélinni er ætlað að koma til móts við þá framtíðarsýn sem flugiðnaðurinn stefnir á er varðar umhverfismál og mun 328eco verða mjög umhverfisvæn, sparneytnari og afar hagkvæm flugvél í farþegaflugi.
Dornier 328eco, sem á að koma á markaðinn árið 2025, verður einum meter lengri en hefðbundnar Dornier 328 flugvélar, eða 23,3 metrar á lengd, og mun hún taka 43 farþega eða tíu fleiri farþega en Dornier 328.
Þá ætlar Deutsche Aircraft að hanna Dornier 328eco með möguleika á aðeins verður þörf fyrir einn flugmann til að fljúga vélinni (single-pilot operation) til að auka hagkvæmni á rekstri vélarinnar enn frekar.
Fram kemur að þýsk stjórnvöld hafa stutt við bakið á D328eco verkefninu og stendur til að veita áfram styrk til þróunar og framleiðslu flugvélarinnar. Þá er markmiðið að reisa verksmiðju í Leipzig þar sem lokasamsetning vélarinnar fer fram og verður takmarkið að hafa framleiðsluna
pappírslausa þar sem allar teikningar og önnur gögn til smíðinnar verða á rafrænu formi.
Deutsche Aircraft gerir ráð fyrir því að ferðavenjur fólks eigi eftir að breytast með tilkomu heimsfaraldursins og að meiri eftirspurn verði eftir flugsætum á styttri flugleiðum með minni flugvélum á borð við Dornier-skrúfuþotum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
