flugfréttir
Sjálfsmyndataka talin orsök flugslyss
10. desember 2020
|
Frétt skrifuð kl. 14:05
Fisvélin í sjónum rétt við ströndina í bænum Mayaguez á Púertó Ríkó
Samgönguöryggisnefnd Bandaríkjanna (NTSB) hefur birt lokaskýrslu varðandi flugslys sem átti sér stað á Púertó Ríkó í fyrra er fisflugvél brotlenti á sjó en slysið er rakið til þess að flugmaður vélarinnar var að reyna að taka ljósmynd af sjálfum sér.
Slysið átti sér stað þann 22. desember í fyrra og var fisvélin á flugi skammt undan ströndinni við bæinn Mayaguez
en um borð var flugnemi í sólóflugi.
Fisið var af gerðinni Quicksilver MX II Sprint og sagði flugneminn að hann hafi verið að reyna að taka mynd af sér („selfie“) þegar hann
óvart rakst í eldsneytisloka vélarinnar (Fuel shut off valve) sem varð til þess að það lokaðist fyrir eldsneytiflæði inn á mótorinn.
Fisið brotlenti í sjónum og var flugmanninum bjargað af nokkrum bátum sem komu strax á vettvang. Fisið varð fyrir töluverðum skemmdum
bæði á væng og á grind en flugmanninn sakaði ekki en hann týndi þó logbókinni sinni í sjónum sem fannst ekki.
NTSB telur að slysið megi rekja til þess að flugmaðurinn hafi rekið sig í eldsneytilokann sem fór yfir á „OFF“ sem varð til þess
að mótorinn varð fyrir eldsneytisþurð og stöðvaðist samstundis.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
