flugfréttir
Afköst í framleiðslu á A320 verða aukin um mitt árið
- Framleiðsluhraðinn á breiðþotum verður ekki aukinn á þessu ári
Airbus stefnir á að auka afköstin í framleiðslu á Airbus A320 þotunni á seinni helming ársins
Evrópski flugvélaframleiðandinn Airbus stefnir á að auka framleiðsluhraðann við smíði á Airbus A320 þotunum á þessu ári en þó ekki á sama hraða og áætlað var fyrir heimsfaraldurinn.
Fram kemur í yfirlýsingu frá Airbus að framleiðsluafköst á samsetningu á nýjum flugvélum
verða óbreytt lengur en gert var ráð fyrir og þá mun framleiðsla á breiðþotum ekki aukast á næstunni.
Airbus segir að framleiðsluhraðinn við samsetningu á Airbus A350 og A330 verði áfram sá sami
og munu afköstin ekki aukast í breiðþotudeildinni á þessu ári en þessa stundina eru smíðuð
fimm eintök af Airbus A350 á mánuði og tvö eintök af Airbus A330.
Ljósi punkturinn er hinsvegar sá að til stendur að auka afköstin við smíði á þotum á borð við Airbus A320
og A321 síðar á árinu. Í dag eru framleiddar 40 þotur af gerðinni A320 og A321 en áætlað er að
afköstin fari upp í 43 þotur með haustinu og loks 45 þotur á mánuði á fjórða ársfjórðungi ársins.
Airbus gerir ráð fyrir að markaðurinn verði í lægð fram til ársins 2023 og jafnvel til 2025 er kemur
að framleiðslu á flugvélum.
Mjög fljótlega eftir að kórónaveirufaraldurinn kom upp byrjaði Airbus að grípa í taumana og
var öll framleiðsla á flugvélum stöðvuð í fjóra daga en þegar framleiðslan hófst á ný var hún minnkuð
um aðeins þriðjung af því sem var fyrir heimsfaraldurinn sem hefur bitnað mest á framleiðslu
á breiðþotum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.