flugfréttir
Cabo Verde Airlines mun hefja flug að nýju þann 18. júní
Boeing 757-200 þotur í flota Cabo Verde Airlines
Cabo Verde Airlines, flugfélagið á Grænhöfðaeyjum, mun formlega hefja aftur áætlunarflug þann 18. júní næstkomandi eftir hlé vegna heimsfaraldursins.
Cabo Verde mun hefja flug að nýju með tvær þotur til að byrja með og opnaði félagið fyrir bókanir
með nýju bókunarkerfi í dag.
Fyrst um sinn mun Cabo Verde byrja á því að fljúga á milli eyjunnar Sal og Lissabon í Portúgal einu sinni í viku
en tíu dögum síðar, þann 28. júní, verður flogið fjórum sinnum í viku þar á milli.
Þá stefnir félagið á að hefja flug til annarra áfangastaða í leiðarkerfinu sem veltur allt á framgöngu mála er varðar
bólusetningar í öðrum löndum og afléttingu ferðatakmarkanna.
„Við erum mjög spennt fyrir því að við erum loksins að reisa flugfélagið aftur upp úr öskunni eftir
heimsfaraldurinn. Strendurnar, fólkið, veitingastaðirnir og gestrisni íbúanna hérna munu taka á móti
ferðamönnum með opnum örmum á þennan áfangastað sem er frábrugðinn öllum öðrum“, segir
Erlendr Svavarsson, framkvæmdarstjóri Cabo Verde Airlines.
Rekstur Cabo Verde Airlines stöðvaðist í mars árið 2020 en flugfloti félagsins samanstendur
af fjórum Boeing 757-200 þotum sem teknar eru á leigu frá Icelandair og einni Boeing 737-300 þotu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.