flugfréttir
Tvær Boeing 777-300ER fraktþotur á leið í flota Bluebird
- Önnur þotan var áður í flota Emirates sem farþegaþota
Boeing 777-300ER er stærsta útgáfan af Boeing 777 þotunum
Fraktflugfélagið Bluebird Nordic stefnir á að taka í notkun tvær Boeing 777F fraktþotur sem munu bætast við flota félagsins sem í dag samanstendur eingöngu af minni fraktþotum af gerðinni Boeing 737.
Þoturnar eru af gerðinni Boeing 777-300ER og verður þeim breytt í fraktflugvélar en í dag eru þrjú fyrirtæki í heiminum sem hafa öll nýverið byrjað að breyta Boeing 777 farþegaþotum yfir í fraktþotur og þar af tvö fyrirtæki sem sérhæfa sig í breytingu á -300ER tegundinni.
Önnur þotan mun koma til með að bera skráninguna TF-BBB en sú þota er 13 ára gömul og
var þotan áður í flota Emirates sem fékk hana afhenta nýja árið 2009.
TF-BBB var áður í eigu DVB Bank í Þýskalandi og hefur hún verið í tæpt ár í langtímageymslu í
Marana Pinal Airpark í Arizona í Bandaríkjunum. Þotan er skráð í dag með staðsetningu í
Everett í Washington.
Mynd af þotunni sem Bluebird Nordic á von á því að fá í flotann. VP-CVB í geymslu í Marana Pinal Airpark í október 2021 / Ljósmynd: AirTeamImages
TF-BBB er tekin á leigu hjá flugvélaleigunni STLC Europe Twenty Five Leasing Limited á Írlandi og
kemur fram að þoturnar verða komnar í notkun hjá Bluebird árið 2024.
Stutt er síðan að byrjað var að breyta Boeing 777-300ER farþegaþotum í fraktþotur en það
er ísraelska fyrirtækið Israel Aerospace Industries (IAI) sem hóf í fyrra að breyta þessari stærstu
útgáfu af Boeing 777 í fraktþotur í samstarfi við AerCap flugvélaleiguna.
Þrjú fyrirtæki í heiminum vinna nú að því í dag að breyta Boeing 777-300ER þotum yfir í fraktþotur
en auk IAI, sem breytir sínum þotum í fraktþotur í Suður-Kóreu, þá er slíkt verkefni einnig í gangi hjá Sequoia Aircraft í Wichita í Kansas og þá byrjaði Mammoth Freighter nýverið á slíku verkefni.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.