flugfréttir
ESB lokar lofthelginni yfir Evrópu fyrir Rússum
- Öllum rússneskum flugvélum bannað að fljúga yfir Evrópu
Evrópusambandið hefur lokað fyrir flugumferð á vegum allra flugvéla frá Rússlandi sem fá því ekki að fljúga gegnum evrópska lofthelgi
Evrópusambandið hefur fyrirskipað lokun á lofthelginni fyrir Rússum en Ursula von der Leyen, forseti framkvæmdarnefndar Evrópusambandsins, fyrirskipaði aðgerðir gegn Rússlandi þar sem fram kemur að rússneskum flugfélögum og rússneskum flugvélum verður meinaður aðgangur að lofthelginni yfir Evrópu.
„Þar sem að stríðið í Úkraínu heldur áfram og Úkraínumenn berjast með
miklu hugrekki fyrir landið sitt þá hefur Evrópusambandið ákveðið að styðja
Úkraínu enn frekar með viðskiptahöftum á hendur árásarmannanna sem
er Pútin og hans menn“, segir von der Leyen.
„Við ætlum að loka lofthelginni yfir Evrópu fyrir Rússunum. Við leggjum til allsherjarbann
við allri flugumferð er kemur að flugvélum sem eru skráðar í Rússlandi eða eru
að fljúga á vegum Rússlands og munu þessar flugvélar ekki fá að lenda eða hefja
sig til flugs innan landa ESB“, segir í yfirlýsingunni.
„Ég ætla að vera mjög skýrmælt. Lofthelgin okkar verður lokuð fyrir öllum
flugvélum sem tengjast Rússlandi og það á einnig við einkaflugvélar“.
Ursula von der Leyen, forseti framkvæmdarnefndar Evrópusambandsins
Bretland var meðal fyrstu landa til þess að loka sinni lofthelgi fyrir rússneskum flugvélum
og hefur flugfélaginu Aeroflot til að mynda verið bannað að fljúga meira
til Bretlands og þá hefur Kanada einnig lýst yfir banni við flugferðum á vegum rússneskra flugvéla í sinni lofthelgi.
Strax fyrir helgi voru nokkur Evrópulönd þegar búin að loka fyrir flugumferð á vegum
rússneskra flugvéla og má þar á meðal nefna Tékkland, Slóvenía, Pólland, Búlgaría,
Rúmenía, Malta, Eistland, Lettland og Litháen.
Í dag bættist Írland við og þá hafa yfirvöld á Ítalíu, Spáni, Frakklandi, Þýskalandi,
Belgíu, Hollandi og í Austurríki einnig ákveðið að loka fyrir flugumferð
Rússa auk Norðurlanda á borð við Danmörku og Finnlands.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.