flugfréttir
JetBlue með óvænt tilboð í Spirit sem hugðist sameinast Frontier
- Fyrirhugaður samruni við Frontier Airlines gæti verið í uppnámi
Frontier Airlines hugðist taka yfir rekstur Spirit Airlines og sameina félögin í eitt félag en nú hefur JetBlue komið með veglegt tilboð í félagið
Bandaríska lágfargjaldafélagið JetBlue kom í gær með skyndilegt og óumbeðið tilboð í Spirit Airlines upp á 3.6 milljarða Bandaríkjadali en tilboðið gæti sett strik í reikninginn fyrir Frontier Airlines sem hugðist sameinast Spirit Airlines.
Það var í byrjun febrúar sem að Spirit Airlines og Frontier Airlines tilkynntu um samruna og með því verður til
annað stærsta lágfargjaldafélag Bandaríkjanna ef af samrunanum verður.
Robin Hayes, framkvæmdarstjóri JetBlue, segir að samruni félagsins og Spirit Airlines myndi gera jetBlue að mjög
sterkum keppinauti við fjögur stærstu flugfélag Bandaríkjanna sem ráða yfir 80% af markaðnum vestanhafs
en þau félög eru Delta Air Lines, American Airlines, United Airlines og Southwest Airlines.
Tilboðið þykir koma eins og þruma úr heiðskíru lofti en Frontier Airlines, sem hefur höfuðstöðvar sínar í Denver, segir
að samruni þess við Spirit Airlines sé mun betri kostur bæði fyrir viðskiptavini og hluthafa þótt að tilboð JetBlue
sé hærra og veglegra en tilboð Frontier Airlines.
Tilboð JetBlue er um 33 prósent hærra en tilboð Frontier Airlines og segir Hayes að floti Spirit Airlines myndi sameinast
undir merkjum JetBlue og gæti félagið með því flogið til mun fleiri áfangastaða en Hayes segir að sú spurning sem
flugfélagið fái oftast sé hvers vegna þeir fljúga ekki til fleiri áfangastaða.
Spirit Airlines mun fara yfir tilboð JetBlue
Frontier segir að sameinað flugfélag Spirit Airlines og Frontier eigi eftir að spara félögunum um 1 milljarð Bandaríkjadali
með mun fleiri möguleikum á flugleiðum fyrir neytendur á hagstæðu verði og bendir félagið á að samruni Spirit Airlines
við JetBlue komi ekki eins vel út fyrir farþega er kemur að fargjöldum.
Spirit Airlines, sem er nú komið milli steins og sleggju, segir að ráðgjafar flugfélagsins muni fara yfir tilboð JetBlue og
taka ákvörðun í framhaldinu og meta hver sé besti kosturinn bæði fyrir viðskiptavini og hluthafa.
Til stóð að ganga frá samruna Spirit Airlines og Frontier Airlines á seinni helming þessa árs og skapa ætti með
því um 10.000 ný störf fyrir árið 2026.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.