flugfréttir
Flugumferðin í Evrópu nálgast það sem var fyrir COVID-19
- Sum flugfélög verða komin í sama farþegafjölda í sumar og var árið 2019
6. apríl 2022
|
Frétt skrifuð kl. 16:58
Airbus A321 þota frá Wizz Air á Luton-flugvellinum í London þann 23. mars síðastliðinn
Evrópska flugumferðarstjórnin Eurocontrol spáir því að fyrir lok þessa árs verði flugumferðin í Evrópu komin í 92 prósent af flugumferðinni sem var áður en heimsfaraldurinn skall á.
Í besta falli gæti flugumferðin náð 96% af flugumferðinni árið 2019 en fram kemur að nokkrar aðstæður gætu
haft áhrif á sem yrði til þess að í versta falli myndi flugumferðin ná 83 prósentum af árinu 2019.
„Flugið hefur haldið áfram að ná sér á strik með þokkalegum árangri á sl. vikum og flugumferðin
í Evrópu hefur aukist um 68 prósent frá því í janúar og er komin í 79% aukningu
núna í byrjun apríl ef borið er saman við flugumferðina árið 2019“, segir Eamonn Brennan, yfirmaður
Eurocontrol.
Meðal þess sem gæti haft áhrif á bataferlið er hækkandi verð á þotueldsneyti og árásir Rússa
á Úkraínu en Brennan tekur fram að flugfélögin eru stanslaust að bæta við sig sætaframboði
og sum flugfélög eru strax komin í jafnmikil umsvif og voru fyrir heimsfaraldurinn.
„Það er næstum því víst að flugið mun ná 90% umsvifunum í sumar og við gerum ráð
fyrir að eftirspurn eftir flugi til sólaráfangastaða og til annara borga muni verða meiri en sumarið
2019“, segir Brennan.
Brennan tekur fram að ef nýtt afbrigði af kórónaveirunni kemur fram þá myndi það hafa áhrif
og draga úr þessum tölum auk þess sem stríð, pólitísk spenna, efnahagsbreytingar og verð
á þotueldsneyti myndi einni hafa áhrif.
Þá tekur hann fram að skortur á starfsfólki í flugiðnaðinum og þá sérstaklega er kemur að starfsfólki á flugvöllum sé eitthvað sem þarf að taka með inn í reikninginn.
Spáin sem Eurocontrol hefur gefið út er gefin út á 6 mánaða fresti en fram kemur að hún sé í samræmi við sjö ára spá sem Eurocontrol gaf út í október í fyrra.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
