flugfréttir
Fá fyrstu E-þotuna sem breytt hefur verið yfir í fraktþotu
- Nordic Aviation Captial fá fyrstu Embraer E190F og 195F fraktþoturnar
Tölvugerð mynd af Embraer E190F fraktþotu
Danska flugvélaleigan Nordic Aviation Capital verður fyrsti viðskiptavinurinn til þess að fá í hendur fyrsta eintakið af E-þotu frá Embraer sem búið verður að breyta úr farþegaþotu yfir í fraktþotu.
Nordic Aviation Capital ætlar að láta breyta tíu þotum sem fyrirtækið
á yfir í fraktþotur en þoturnar eru af gerðinni Embraer E190 og E195.
Fyrirtækið tilkynnti þessi áform sín í dag um einum mánuði eftir að
Embraer lýsti því yfir að framleiðandinn ætli að bjóða upp á þjónustu þar sem boðið verður upp á að breyta farþegaþotum í fraktþotur.
Nordic Aviation Capital mun fá fyrstu þoturnar úr breytingu árið 2024
og segir Arjan Meijer, framkvæmdarstjóri yfir farþegaþotudeild Embraer, að séð er fram á að mikil eftirspurn eigi eftir að verða af þessari tegund af fraktþotum í framtíðinni.
Embraer segir að breytt E-fraktþota verði kjörin lausn til þess að leysa
af hólmi eldri fraktflugvélar á borð við ATR og Boeing 737-300.
Breytingarnar munu fara fram í Brasilíu og verður komið fyrir
gólfi fyrir tvö þilför með stórum frakthurðum auk ýmissa kerfa.
Embraer segir að Embraer E190F muni geta borið 10,7 tonn af frakt á meðan E195F getur borið 12,3 tonn.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.