flugfréttir
Vara við róttækum niðurskurði ef verkfall dregst á langinn
- Tap SAS vegna verkfalls flugmanna nemur tæpum 2 milljörðum króna á dag
Verkfall flugmanna SAS hefur nú staðið yfir í 10 daga
Scandinavian Airlines (SAS) hefur varað við því að flugfélagið gæti þurft að grípa til róttækra aðgerða ef núverandi verkfall dregst á langinn.
SAS segir að mögulega þurfi flugfélagið að draga saman seglin og það í umtalsverðu mæli þar sem verkfallsaðgerðir flugmanna eru að kosta flugfélagið tæpa 2 milljarða
króna á hverjum degi.
Flugfélagið nefnir aðgerðir á borð við að selja eignir félagsins, skera niður
reksturinn og minnka umsvif leiðarkerfisins.
Mikil óánægja ríkir meðal flugmanna sem telja að SAS sé ekki að endurráða
þá flugmenn sem var sagt upp störfum vegna heimsfaraldursins og saka þeir
félagið um að vera að ráða ódýrt vinnuafl frá öðrum löndum gegnum
starfsmannaleigur til þess að ná fram sparnaði.
Erno Hilen, fjármálastjóri SAS, segir að verkfallsaðgerðir flugmanna séu að gera
viðkvæma fjármálastöðu SAS ennþá verri og flugfélagið hefur verið að reyna að ná
sér á strik eftir heimsfaraldurinn og þá kemur verkfallið á versta tíma þegar
mesti annatíminn er í gangi yfir hásumarið.
Fram kemur að mjög hratt mun ganga á lausafjárstöðu SAS með áframhaldandi
verkfalli sem hefur nú þegar kostað flugfélagið um tæpa 18 milljarða króna frá því
verkfallið hófst þann 4. júlí síðastliðinn.
SAS segir að verkfallið hafi nú þegar orðið til þess að félagið hafi þurft að aflýsa um 2.500
flugferðum sem hefur haft áhrif á um 270.000 farþega.
Gætu þurft að selja eignir og fækka flugvélum í flotanum
SAS hefur þurft þessa daganna að sanna fyrir lánadrottnum að félagið geti unnið
áfram eftir rekstraráætluninni „SAS Forward“ sem miðast við að félagið geti
ná fram sparnaði upp á 98 milljarða á ársgrundvelli en þau áform gætu farið út um
þúfur vegna verkfallsins og þá geti það haft mjög slæm langtímaáhrif á félagið.
„Áframhaldandi verkfall flugmanna getur haft mikil áhrif á rekstur SAS
sem það mun hefta aðgang félagsins að lánalínum er kemur að endurfjármögnun“, segir
í yfirlýsingu frá félaginu.
SAS segir að ef svo fer þá þurfi að hefjast handa við að setja eignir á sölu, fækka
flugvélum í flugflota og slíkar aðgerðir séu ekki afturkræfar í einhvern tíma og
erfitt verði að koma rekstri félagsins aftur í það horf sem það er í dag.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.