flugfréttir
Sofnuðu báðir og yfirflugu brautina í 37.000 fetum
- Vöknuðu við hljóðið er sjálfstýringin aftengdist
19. ágúst 2022
|
Frétt skrifuð kl. 13:21
Flugvélin var af gerðinni Boeing 737-800 og var á leið frá Khartoum í Súdan til Addis Ababa í Eþíópíu sl. mánudag
Báðir flugmennirnir um borð í farþegaþotu frá Ethiopian Airlines sofnuðu í stjórnklefanum með þeim afleiðingum að flugvélin flaug framhjá þeim stað sem til stóð að hefja lækkun í átt að áfangastaðnum.
Þotan, sem er af gerðinni Boeing 737-800, var í áætlunarflugi frá Khartoum í Súdan til Addis Ababa þann 15. ágúst síðastliðinn og var vélin í 37.000 feta hæð þegar þreyta sveif á báða flugmennina sem hurfu inn í draumalandið.
Flugvélin fór fram hjá þeirri staðsetningu sem lækkun átti að hefjast en um er að ræða staðsetningarpunkt
sem nefnist TOD sem stendur fyrir „top of descent“.
Flugvélin hélt áfram að fljúga ferilinn sem búið var að setja inn í flugtölvu vélarinnar (FMC) og fylgdi
ferlinum að aðflugsleiðinni en þó án þess að lækka flugið og var áfram í farflugshæð á meðan þeir
voru sofandi.
Fram kemur að flugumferðarstjórn reyndi nokkrum sinnum að ná á flugmönnunum en án árangurs. Samkvæmt upplýsingum frá ADS-B kemur fram að flugvélin hafi yfirflogið braut 25L í Addis Ababa í 37.000 fetum.
Eftir að hafa yfirflogið brautina og farið sjálfkrafa í „missed approch“ aftengdist sjálfstýringin með tilheyrandi viðvörunarhljóði sem náði að vekja báða flugmennina og tóku þeir við stjórninni og lentu þeir vélinni heilu á höldnu 25 mínútum síðar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
