flugfréttir
BOC Aviation afskrifar sautján flugvélar í Rússlandi
BOC Aviation gerir ekki ráð fyrir að ná til baka 17 flugvélum í Rússlandi en leigusamningum á þeim var rift í mars á þessu ári
Flugvélaleigan BOC Aviation í Singapore hefur afskrifað sautján flugvélar sem eru staðsettar í Rússlandi en afskriftin nemur 112 milljörðum króna.
BOC Aviation birti nýlega uppgjör sitt eftir fyrri helming ársins og tapaði flugvélaleigan 43 milljörðum króna
sem að mestu má rekja til þeirra flugvéla sem eru fastar í Rússlandi í flota rússneskra flugfélaga.
„Þann 30. júní síðastliðinn voru sautján flugvélar, sem eru í eigu fyrirtækisins og búið var að rifta leigusamningi
vegna, fastar í Rússlandi og teljum við ólíklegt að hægt verði að endurheimta þær í náinni framtíð“, segir í tilkynningu
frá fyrirtækinu.
Með flugvélunum sautján minnka eigur BOC Aviation um 4% og er verðmæti eigna fyrirtækisins í dag
um 22.8 milljarðar Bandaríkjadalir samanborið við 31 milljarð í desember í fyrra. Þrátt fyrir þetta er lausafjárstaða
BOC Aviation mjög sterk í dag og nam hún 454 milljónum dala á síðustu sex mánuðum.
BOC Aviation hefur einnig tilkynnt að fyrirtækið hafi frestað afhendingum á nokkrum flugvélum vegna
skorts hjá birgjum er kemur að framleiðslu á nýjum flugvélum og vegna skorts á starfsfólki í flugvélaverksmiðjum.
BOC Aviation hefur í dag 390 flugvélar í sinni eigu og hefur þeim fjölgað um 10 flugvélar frá því í desember í fyrra.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.