flugfréttir
Frestur til að fá vottun fyrir 737 MAX 7 á þessu ári að renna út
24. október 2022
|
Frétt skrifuð kl. 16:15
Southwest Airlines á von á 234 þotum af gerðinni Boeing 737 MAX 7
Boeing mun að öllum líkindum ekki ná að fá í hendurnar flughæfnisvottun fyrir Boeing 737 MAX 7 þotuna fyrir lok ársins eins og vonir voru bundnar við en um er að ræða minnstu útgáfuna af 737 MAX þotunni.
Mikilvægur tímarammi sem Boeing og bandarísk flugmálayfirvöld (FAA) höfðu unnið með var áætlaður
í desember en frestur til þess að skila inn greinargerð varðandi ýmiss öryggisatriði, sem FAA þurfti að
fá inn á borð til sín, er við það að renna út.
„Eins og kunnugt er þá hafði FAA látið Boeing vita af því að flugmálayfirvöld þyrftu að fá öll gögnin
um miðjan september ef flugvélaframleiðandinn ætlaði sér að halda áætlun varðandi vottunarferlið
og fá úthlutað flughæfnisvottun í desember“, segir Lirio Liu, yfirmaður FAA, í bréfi sem sent var til Boeing.
Fjórar vikur eru liðnar frá því að David Calhoun, framkvæmdarstjóri Boeing, sagði að þrátt fyrir þetta
þá gerði Boeing ráð fyrir að fá flughæfnisvottun útgefna fyrir lok ársins.
Aðeins eru þrjú flugfélög sem hafa pantað Boeing 737 MAX 7 þotuna sem er Allegiant Air, sem
á von á 30 þotum af þeirri gerð, þá á Southwest von á 234 þotum og þá hefur kanadíska flugfélagið
WestJet pantað 22 þotur.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
