flugfréttir
Flugfreyju sagt upp störfum fyrir að vera of stór fyrir sætin
- Náði ekki að spenna sætisólarnar
Flugfreyjan fer fram á skaðabætur frá Spirit Airlines
Flugfreyja ein hefur höfðað mál gegn fyrrverandi vinnuveitanda sínum, bandaríska flugfélaginu Spirit Airlines, eftir að henni var sagt upp störfum á þeim forsendum að hún hefði verið of þung og stór um sig til þess festa sætisólarnar í sætum sem eru ætluð þeim í flugvélinni.
Um er að ræða sæti sem á ensku nefnast „jump seat“ og vildi flugfélagið meina að hún
væri of mikil um sig til þess að ná að spenna á sig sætisólarnar.
Mál flugfreyjunnar, sem er af afrískum-amerískum uppruna, var tekið fyrir í dómsal í Flórída þann 16. nóvember sl. og segir að flugfreyjan
hafi staðist þjálfun er hún hóf störf sem flugfreyja og uppfyllt öll skilyrði og þar á meðal að festa
sætisólarnar.
Flugfreyjan flaug sitt fyrsta flug þann 3. september árið 2021 á þotu af gerðinni Airbus A319
og tilkynnti flugfreyjan þá að hún næði ekki að spenna beltið og var henni ekki leyft að nota
framlengingu á beltið.
Flugfreyjunni var gert að fara frá borði og kölluð var til önnur flugfreyja í hennar stað með
tilheyrandi seinkun og var hún send í leyfi.
Fimm dögum síðar fékk hún bréf frá flugfélaginu þar sem hún var boðuð á fund hjá Spirit
Airlines og var ákveðið að hún þyrfti að sína fram á hvort hún gæti notað sætisólarnar eða ekki.
Þann 8. október 2021 mætti hún til þess að sína fram á hvort hún gæti notað beltin í sætunum
sem eru ætluð flugfreyjunum og kom í ljós að sætisólarnar og sætin sjálf voru of lítil fyrir hana.
Fimm dögum síðar fékk hún bréf með tilkynningu um að hún gæti ekki starfað hjá flugfélaginu
eins og er og fékk hún endanlegt uppsagnarbréf þann 3. nóvember.
Spirit Airlines segir að flugfélagið hafi gefið henni tækifæri á að koma sér í form
frá 3. september til 12. október í von um að hún myndi passa í sætin.
Lögmaður flugfreyjunnar bendir á að önnur flugfreyja, sem er af hvítum uppruna, hafi fengið
mun lengri tíma til þess að koma sér í form og er Spirit Airlines sakað um að kynþáttamismunun
með þessari ákvörðun sinni.
Flugfreyjan fer fram á skaðabætur þar sem hún segist hafa gengið í gegnum andlega angist
vegna málsins, orðið fyrir vanlíðan og þyngdartapi auk launamissis.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.