flugfréttir
Tvö lágfargjaldarfélög í Kólumbíu hætta starfsemi
- Viva Air Colombia og Viva Air Perú aflýsa öllu flugi
Airbus A320 þota í litum Viva Air Colombia
Kólumbísku flugfélögin Viva Air Cikombia og Viva Air Perú hafa hætt starfsemi sinni og aflýst öllu frekara áætlunarflugi og kennir móðurfélagið, Grupo Viva, flugmálayfirvöldum í Kólumbíu um.
Í tilkynningu frá Grupo Viva segir að kólumbísk flugmálayfirvöld
hafi verið of sein til þess að gefa grænt ljós fyrir yfirtöku Avianca Group á flugfélaginu og hafi fyrirtækið því neyst til þess að láta
Viva Air leggja árar í bát.
Viva Air Colombia felldi í gær niður allt áætluarflug en fram kemur
að samningaviðræður munu þrátt fyrir það halda áfram.
Grupo Viva segir að ákvörðun flugmálayfirvalda um að leyfa fleiri áhugasömum aðilum að koma að borðinu hafi hægt mjög á söluferlinu á meðan Avianca Group hafi verið eini fjársterki aðilinn sem hefði getað komið með aukið fé inn í reksturinn og gat það ekki þolað frekari bið.
Þeir aðilar eru öll erlend flugfélög sem kólumbísk stjórnvöld vildu hleypa að borðinu en þau flugfélög eru Aerolineas Argentinas, LATAM, JetSMART, Wingo og Ultra Air.
Viva segir að félagið hafi verið undir gríðarlegum þrýstingi frá flugvélaleigum og hluthöfum sl. vikur og hafi tvær flugvélar verið vörslusviptar og teknar úr flotanum eftir að flugmálayfirvöld höfnuðu yfirtökutilboði sem gert var í nóvember í fyrra.
Dótturfélög Grupo Viva eru Viva Air Colombia og Viva Air Perú en í flota félaganna eru fimm Airbus A320 þotur og tíu þotur af gerðinni Airbus A320neo.
Viva Air Colombia var stofnað árið 2009 og hóf flugfélagið rekstur sinn árið 2012
en Viva Air Perú var stofnað árið 2016 og hóf það félagið flugrekstur árið 2017.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.