flugfréttir
Tvær flugvélar fóru of nálægt hvor annarri á Sarasota-flugvelli
Frá Sarasota-Bradenton flugvellinum í Flórída
Flugmálayfirvöld í Bandaríkjunum rannsaka nú enn eitt atvikið vestanhafs þar sem tvær farþegaþotur fór of nálægt hvor annarri en um er að ræða atvik sem átti sér stað á Sarasota-Bradenton flugvellinum í Flórída.
Fram kemur að atvik átti sér stað þann 16. febrúar sl. þar sem að þota frá kanadíska flugfélaginu
Air Canada Rouge hafði verið veitt flugtaksheimild á sama tíma og þota frá American Airlines
hafði fengið heimild til þess að lenda á sömu braut.
Þotan frá Air Canada Rouge var af gerðinni Airbus A321 og var hún á leið til Toronto á meðan
Boeing 737 þota frá American Airlines var að lenda eftir flug frá Charlotte í Norður-Karólínu.
Samkvæmt upplýsingum frá bandarískum flugmálayfirvöldum (FAA) voru 3.100 fet á milli
flugvélanna tveggja þegar minnstu munaði sem samsvarar 945 metrum.
Flugumferðarstjóri náði með snarræði að vara flugmenn þotunnar frá American Airlines við og hættu
þeir við lendingu og fóru í fráhvarfsflug (go-around).
Samgönguöryggisnefnd Bandaríkjanna (NTSB) rannsakar nú atvikið og er von á bráðabirgðaskýrslu eftir u.þ.b. 2 til 3 vikur.
Atvikið á sér stað aðeins tæpum mánuði eftir að mjög litlu munaði að að illa færi er Boeing 777 þota frá American Airlines þveraði flugbraut á John F. Kennedy flugvellinum í New York á sama tíma og Boeing 737 þota frá Delta Air Lines var að hefja flugtaksbrun á sömu braut þann 13. janúar síðastliðinn.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.