flugfréttir
Fjórar þotur í flota Flair gerðar upptækar um helgina
- Vörslusviptar vegna ágreinings með leigugjöld
Boeing 737 MAX þota frá Flair Airlines
Fjórar farþegaflugvélar af gerðinni Boeing 737 MAX 8 í flota kanadíska flugfélagsins Flair Airlines voru gerðar upptækar um helgina vegna viðskiptalegs ágreinings á milli fjárfestingarsjóðs í New York, sem á hlut í flugfélaginu, og flugvélaleigunnar Airborne Capital á Írlandi.
Í yfirlýsingu frá Flair segir að um „mjög öfgafullar og óvenjulegar“ aðgerðir sé að ræða sem rekið er til
greiðslna á leigugjöldum á flugvélunum en flugfélagið segir að það hafi samt sem áður greitt umsamin leigugjöld.
Aðgerðirnar höfðu áhrif á flugferðir á vegum Flair sem þurfti að aflýsa nokkrum flugferðum sl. laugardag en
tvær flugvélar voru gerðar upptækar í Toronto, ein í Edmonton og sú fjórða í Waterloo.
Flair segir að félagið muni nota þrjár aukaflugvélar, sem félagið hefur til taks, til þess að lágmarka áhrifin
af aðgerðunum og segist flugfélagið ekki sjá viðamikil áhrif af þessum aðgerðum á næstu dögum.
Flair er lítið lágfargjaldaflugfélag sem hefur höfuðstöðvar sínar í Edmonton í Alberta-fylki en flugfélagið var
endurstofnað árið 2017 þótt sögu félagsins megi rekja til ársins 2005.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.