flugfréttir
Air Moldova á barmi gjaldþrots
- Reyna að hefja aftur takmarkað áætlunarflug eftir aflýsingu flugferða
24. apríl 2023
|
Frétt skrifuð kl. 10:36
Airbus A320 þota frá Air Moldova
Flugfélagið Air Moldova er á barmi gjaldþrots og reynir flugfélagið nú að hefja aftur flugrekstur eftir að félagið neyddist til þess að aflýsa öllu flugi um helgina.
Air Moldova lýsti því yfir í seinustu viku að til stæði að aflýsa öllu flugi milli 21. og 25. apríl á þeim forsendum
að félagið hefði ekki það fjármagn tiltækt til þess að halda úti flugstarfsemi.
Air Moldova vonast til þess að geta farið að fljúga aftur nauðsynlegustu flugleiðirnar í leiðarkerfinu og er fyrirhugað
að fljúga í það minnsta þrjár flugleiðir á dag frá Chisinau til Bologna, Tbilisi og Verona.
Flugfélagið, sem hafði fjórar þotur í flotanum úr Airbus A320 fjölskyldunni, þurfti í mars að skila tveimur þotum
aftur til eigenda sinna sem leiddi til þess að félagið þurfti að aflýsa flugferðum.
Air Moldova tók hinsvegar þrjár þotur í kjölfarið á leigu til að koma starfseminni aftur í fyrra horf. Flugfélagið
hefur átt í fjárhagserfiðleikum frá því að heimsfaraldurinn braust út árið 2020 auk þess sem innrásin í Úkraínu
hafði enn verri áhrif á starfsemina.
Félagið fór fram á aðstoð frá ríkisstjórn Moldóvu en án árangurs og þá fóru flugmálayfirvöld í landinu fram
á að félagið myndi skila inn endurgerðri fjárhagsáætlun.
Þar sem að félagið náði ekki að vinna úr vandanum við stjórnvöld og flugmálayfirvöld ákvað félagið frekar að
fara í hart og sakar það stjórnvöld um skipulagða niðurrifsherferð gegn félaginu með það að leiðarljósi að hnésetja
reksturinn.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
