flugfréttir

Aðstandendur hafa 26 spurningar varðandi hvarf vélarinnar

- Munu krefjast þess að fá svör m.a. frá Boeing

25. apríl 2014

|

Frétt skrifuð kl. 05:48

Aðstandendur og fjölskyldur hafa 26 spurningar sem þeir vilja fá svör við

Upp úr sauð í gærkvöldi á fundi er fjölskyldur og aðstandendur þeirra farþega, sem voru um borð í malasísku farþegaþotunni, hittu starfsmenn Malaysia Airlines á hóteli í Peking en lögregla þurfti að grípa inn í og skakka leikinn.

Malasísk yfirvöld höfðu haldið blaðmannafund daglega þar sem fjölskyldum og fjölmiðlum var sagt reglulega frá stöðu mála af leitinni að vélinni en slíkir fundir hafa ekki átt sér stað í þrjár vikur. Mikil reiði braust úr meðal aðstandenda sem kröfðust að fundirnir yrðu teknir upp að nýju.

Aðstandendur hafa meðal annars brugðið á það ráð að mótmæla vinnubrögðum stjórnvalda með því að fara í hungurverkfall en er varaforstjóri Malaysia Airlines, Jaffar Derus Ahmad, benti aðstandenum á að nærast og fá sér morgunmat á hótelinu, féll einn einstaklingur í yfirlið sökum næringarskorts sem olli því að upp úr sauð.

"Þetta er ykkur að kenna", hrópaði einn í hópi aðstandenda og færðist þá mikil hiti í fólk sem varð til þess að lögregla þurfti að skakka leikinn.

Najib Razak, forseti Malaysíu, sagði að malasíska ríkisstjórnin sé að vinna að skýrslu um hvarf vélarinnar sem verður birt í næstu viku en þegar er búið að senda skýrsluna til Alþjóðaflugmálastofnunarinnar (ICAO).

Aðstandendur ætla að krefjast þess að fá svör frá Boeing

Meðan að aðstandendur hafa beytt malasískum stjórnvöldum þrýstingi þá er sagt að hluti af þeim ætli sér að fá svör frá Boeing og eru um að ræða spurningar á borð við tæknilegan þátt Boeing 777 farþegaþotunnar en ekki hefur tekist að fá svör við þeim spurningum frá Malaysia Airlines.

Spurningarnar 26 sem aðstandendur og fjölskyldur vilja fá svör við

Á vefsíðunni http://blog.sina.com.cn/s/blog_12ece77a00101eh9v.html koma fram 26 spurningar sem aðstandendur og fjölskyldur krefjast þess að fá svör við. Spurningarnar eru eftirfarandi:

Spurningar er varða neyðarsenda vélarinnar (Emergency Locator Transmitter)

1. - Hversu margir neyðarsendar (Emergency Locator Transmitter) eru á Boeing 777 vélinni ef taldir eru bæði þeir sem eru fastir og færanlegir. Við viljum vita hversu margir þeir eru?

2. - Gengust neyðarsendarnir undir reglubundið eftirlit af viðhaldsdeild Malaysia Airlines og hvenær voru sendarnir skoðaðir seinast?

3. - Hvernig var staðið að vottun á 406 MHz tíðninni sem tilheyrir neyðarsendunum?

4. - Geta neyðarsendarnir brotnað við höggið er flugvél hrapar og hvar nákvæmlega eru sendarnir staðsettir á Boeing 777 vélunum?

5. - Eru neyðarsendarnir varðir innan í skrokk vélarinnar? - Getur merkið frá þeim orðið veikara ef það er umkringt málmi? (ef búkurinn eða hluti vélarinnar kringum sendinn er úr málmi)

6. - Hversu mikið högg þarf að koma á vélina svo að neyðarsendarnir fara í gang? Fóru þessir sendar í gang í flugslysinu er Asiana Airlines vélin brotlenti í San Francisco og í Air France slysinu?

7. - Er 121.5 MHz og 243 MHz tíðnin gangslaus ef flugvél brotlendir á sjó eða vatni?

8. - Getur gervitungl greind merki frá neyðarsendunum á 406 MHz tíðninni?

9. - Er 406 MHz tíðnin aðskilin frá 121.5 MHz og 243 MHz?

10. - Er áhöfnin þjálfuð fyrir notkun á neyðarsendunum?

11. - Getur neyðarsendirinn brotnað af og farið ofan í sjóinn?

12. - Ef reynt er að lenda flugvél á vatni, er þá hægt að virkja neyðarsendinn?

Spurningar er snúa að svarta kassanum

13. - Hvað er serial-númerið á svarta kassanum á 9M-MRO vélinni og hver framleiðir kassana?

14. - Hverskonar merki eru það sem svarti kassinn sendir frá sér. Eru það púlsmerki og hver er lögun þeirra hljóðbylgna sem koma frá honum?

15. - Hvernig kemur Boeing að rannsókninni á þeim hljóðmerkjum sem heyrðust frá svörtu kössunum og hvernig er hægt að vita að það sé sama tegund af svörtu kössunum og voru í vélinni?

16. - Hversu mörg gögn getur flugritinn haldið utan um?

17. - Hversu mikinn tíma af upptöku getur hljóðritinn geymt?

18. - Er hægt að staðsetja svarta kassann út frá tíðninni 33,3 khz?

19. - Geta rannsóknaraðilar rannsakað hvort að púlsmerki gætu hafa heyrst á 33,3 kHz tíðninni vegna þess að rafhlöðurnar voru að tæmast?

Spruningar er varða önnur atriði

20. - Hver er hlutverk Alþjóðaflugmálastofnunarinnar (ICAO) þegar flugvél hverfur? - Hvaða samtökum tilheyrir Malaysia Airlines?

21. - Við viljum fá að skoða logbókina

22. - Vil viljum fá að skoða upptökur frá flugumferðarstjórn sem inniheldur samtöl flugumferðarstjóra við flugmenn vélarinnar

23. - Við viljum fá upplýsingar og símanúmer hjá gervihnattarfyrirtækinu Inmarsat og einnig símanúmer hjá samgönguöryggisnefnd Bandaríkjanna (NTSB)?

24. - Hafa leitarflokkar komist að endanlegri niðurstöðu eftir leitina á þeim svæðum sem staðsett eru vestur af Ástralíu?

25. - Hver er réttur aðstandenda?

26. - Við viljum fá hljóðupptökur frá flugumferðarstjórninni kvöldið sem vélin hvarf.

Sjálfvirka kafbátarvélmennið Bluefin-21 mun um helgina ljúka við að kortleggja hafsbotnin á því svæði sem leitin hefur beinst að en haffræðingurinn Jules Jaffe segir að hann telji að líkurnar á að eitthvað finnist á þeim stað þar sem kafbáturinn hefur farið í 12 neðansjávarleiðangri séu 1 á móti 10.

Sagt er að malasísk og áströlsk stjórnvöld séu að setja upp leitaráætlun sem muni taka við eftir að kortlagningu á hafsbotninum lýkur og sé um að ræða aðgerðir sem gætu tekið mánuði og jafnvel ár.







  fréttir af handahófi

Þrjár konur reyndust „of stórar“ fyrir Business Class farrýmið

27. janúar 2020

|

Þremur konum var meinað að fljúga á Business Class farrými um borð í Dreamliner-þotu tælenska flugfélagsins Thai Airways á þeim forsendum að þær voru „of stórar“.

Vara við uppsögnum vegna seinkana á MAX vélunum

29. janúar 2020

|

Ryanair hefur enn og aftur varað flugmenn sína við niðurskurði en í tilkynningu sem félagið hefur sent starfsfólki sínu kemur fram að mögulega mun félagið fækka starfsstöðvum og grípa til uppsagna.

Hundruðir erlendra flugmanna í Kína í launalaust leyfi

10. febrúar 2020

|

Hundruðir erlendra flugmanna, sem hafa flogið fyrir kínversk flugfélög, hafa verið beðnir um að taka sér launalaust leyfi um óákveðinn tíma vegna kórónaveirunnar.

  Nýjustu flugfréttirnar

Segir að EasyJet hafi ekki efni á fleiri nýjum þotum

30. mars 2020

|

Stelios Haji-loannou, stofnandi easyJet, hótar því að láta reka stjórnarmeðlimi úr stjórn félagsins ef þeir draga ekki úr skuldbindingum félagsins sem gerðar hafa verið við Airbus um kaup á nýjum fa

Ein yngsta Airbus A320 þotan sem send hefur verið til niðurrifs

30. mars 2020

|

Hollenska fyrirtækið TDA, sem sérhæfir sig í flugvélapörtum og niðurrifi á flugvélum, segir að það hafi tekið að sér að rífa í brotajárn yngstu Airbus A320 þotu sem fyrirtækið hafi fengið í sínar hen

Piper framleiðir andlitshlífar fyrir heilbrigðisstarfsfólk

30. mars 2020

|

Flugvélaframleiðandinn Piper Aircraft hefur ákveðið að láta gott af sér leiða í baráttunni við kórónaveiruna og COVID-19 með því að hefja framleiðslu á andlitshlífðarbúnaði fyrir heilbrigðisstarfsfól

Flugmenn samþykkja laun og kjör er varðar Project Sunrise

30. mars 2020

|

Flugmenn hjá ástralska flugfélaginu Qantas hafa kosið með Sólarupprásar-verkefninu Project Sunrise sem er framtíðarstefna Qantas í að bjóða upp á beint flug frá Ástralíu til Evrópu og Norður-Ameríku

Singapore Airlines ætlar að gefa út ný hlutabréf

27. mars 2020

|

Singapore Airlines ætlar að gefa út ný hlutabréf og skuldabréf upp á 868 milljarða króna til þess að auka rekstarfé félagsins og blása nýju lífi inn í fjárhagsstöðu félagsins vegna COVID-19 heimsfara

North Terminal flugstöðinni á Gatwick lokað

27. mars 2020

|

Gatwick-flugvöllurinn ætlar sér að loka norðurflugstöðinni og takmarka flugumferð um flugvöllinn þar sem flugumferð hefur minnkað gríðarlega vegna COVID-19 faraldursins.

Hætta sjúkraflugi vegna skorts á fjármunum

27. mars 2020

|

Sjúkraflutningafyrirtækið Air Ambulance Service á Írlandi mun hætta starfsemi sinni þann 3. apríl næstkomandi en fyrirtækið er fyrsta sjúkraflutningafélagið sem stofnað var á Írlandi sem rekið hefu

Flugumferð hættir að dragast saman í bili

27. mars 2020

|

Dregið hefur úr þeirri fækkun sem hefur átt sér stað í fjölda flugferða í heiminum undanfarna daga og hefur fjöldi daglegra flugferða verið í kringum 95.000 flug á dag í vikunni ef marka má upplýsin

Miami Air sækir um Chapter 11 greiðslustöðvun

26. mars 2020

|

Bandaríska flugfélagið Miami Air International hefur sótt um greiðslustöðvun undir reglugerðinni Chapter 11 en umsókn vegna þessa var send inn formlega til dómstóls í Flórída sl. þriðjudag.

Framkvæmdir hafnar að nýju á 65 flugvöllum í Kína

26. mars 2020

|

Kínverjar hafa hafið framkvæmdir að nýju á 65 flugvöllum í landinu þar sem framkvæmdir voru í fullum gangi áður en þær stöðvuðust vegna útbreiðslu kórónuveirunnar.

 síðustu atvik

  2019-01-01 20:20:00