flugfréttir

Segja að hvarf vélarinnar snúist um dularfulla frakt sem var um borð

- Tveir menn fundust látnir er þeir sáu um að vakta sendingu sem fór í vélina

3. maí 2014

|

Frétt skrifuð kl. 18:44

Möguleiki er á því að um borð í malasísku farþegaþotunni hafi verið frakt sem mátti alls ekki fara á leiðarenda

Spurningar hafa vaknað varðandi þá frakt sem var um borð í malasísku farþegaþotunni en komið hefur í ljós að um 2,2 tonn af varningi voru um borð í vélinni sem voru ekki á listanum sem birtur var með þeirri skýrslu sem gerð var opinber.

Malasísk yfirvöld birtu 5 blaðsíðna frumskýrslu um hvarf vélarinnar í vikunni og meðfylgjandi var listi yfir þá frakt sem sem fór í vélina en m.a. var gefið upp að um borð hafi verið 200 kíló af lithium-ion rafhlöðum ásamt 4,5 tonnumi af mangóávöxtum.

Ein sendingin, sem hefur vakið athygli, vó 2,4 tonn sem innihélt m.a. 200 kíló af lithium-ion rafhlöðum sem er eina vörulýsingin sem var birt varðandi þá sendinu og hafa margir spurt sig út í hin 2,2 tonnin sem ekki hafa verið skilgreind.

Fyrirtæki er kallast NNR Global Logistics er sendandi af 2,4 tonnum af varningi sem innihélt 200 kíló af rafhlöðum en hvorki sendandinn, né stjórnvöld, vilja gefa frekari upplýsingar um hinn hluta sendingarinnar sem vegur 2,2 tonn.

"Ég get ekki sagt meira um hvað hitt var sem var sent þar sem það er hluti af rannsókninni. Okkur var ráðlagt það af lögfræðingum að tala ekki um það", segir talsmaður NNR Global Logistics sem vildi heldur ekki segja hver væri framleiðandi af rafhlöðunum þar sem það væri trúnaðarmál.

Sagt er að um borð í vélinni hafi verið mikilvægur og dularfullur varningur ("highly suspicious cargo") sem mátti alls ekki komast á leiðarenda í Kína

Samkvæmt frétt sem birtist í mars í The Moscow Kremlin er haft eftir rússnesku leyniþjónustunni GRU að rússneksi flugherinn sé gáttaður á því hversvegna orrustuþotur bandaríska flughersins hefðu tekið yfir malasísku farþegaþotunni og fylgt henni af áætlaðri flugleið á leið sinni til Peking.

Sagt er að mjög mikilvægum varningi hefði verið komið fyrir í malasísku farþegaþotuna sem rekja mætti til Seychelles-eyja en varningnum var siglt til Malaysíu með bandaríska vöruflutningaskipinu MV Maersk Alabama, sem er sama skip sem rænt var undan ströndum Sómalíu árið 2009 sem margir kannast við í kjölfar kvikmyndarinnar "Captain Phillips".


Frá höfuðstöðvum rússnesku leyniþjónustunnar (GRU) í Moskvu

Rússnesku leyniþjónustunni GRU var kunnugt um þessa sendingu og vakti það grunsemdir að innan sólarhrings, frá því að varningnum var komið um borð í MV Maersk Alabama, kom í ljós að tveir sérþjálfaðir hermenn, sem áður stöfuðu fyrir bandaríska sjóherinn, sem voru ábyrgir fyrir sendingunni, fundust látnir um borð í skipinu.

Tveir fyrrum starfsmenn bandaríska sjóhersins, sem voru ábyrgðir fyrir sendingu sem fór um borð í flug MH370, fundust látnir um borð í vöruflutningaskip sem var á leið til Malaysíu

Hermennirnir tveir, Mark Daniel Kennedy (43 ára) og Jeffrey Keith Reynolds (44 ára), voru ráðnir til starfa til sjóhersins af öryggisfyrirtækinu The Trident Group í Vestur-Virginíu sem er í eigu sérsveitar bandaríska sjóhersins (SEAL) og segir rússneska leyniþjónustan GRU að fyrirtækið sjái meðal annars um öryggismál þegar verið er að flytja mikilvægan og verðmæta frakt milli landa og heimsálfa.



Í frétt CBSNews þann 24. febrúar kom fram að lögreglan á Seychelles-eyjum hafi tilkynnt að tveir fyrrum hermenn bandaríska sjóhersins hefðu fundist látnir um borð í vöruflutningaskipinu Maersk Alabama er það var á leið til Malaysíu en sagt var að talið væri að þeir hefðu látist vegna of stórs skammts af fíkniefnum og var sagt að í klefa þeirra hefðu fundist sprautunálar til heróin-neyslu en margir hafa efast um þær fregnir.

Þegar GRU komst að því að þessi sending væri á leið í flug MH370 gerðu rússnesk yfirvöld utanríkisráðuneyti Kína viðvart og lýstu yfir áhyggjum sínum að sennilega yrði allt gert til að þessi varningur kæmist ekki til skila á áfangastað. Óstaðfestar heimildir herma að Kína hafi ætlað að gera tilraun til að koma flugvélinni af leið og láta hana lenda á Haikou Meilan flugvellinum á Hainan-eyjunni sem er skammt undan strönd Kína.

Í skýrslu frá GRU segir að eitthvað hafi aðgerðin farið á aðra leið þar sem vélinni var flogið vestur á bóginn og hafi rússneska gervitunglið VKO, sem er í eigu rússneska hersins, rakið för vélarinnar þvert yfir Indlandshafið og alla leið til bandarísku herstöðvarinnar Diego Garcia í Indlandshafinu en upplýsingar úr því gervitungli hafa aldrei komið við sögu í rannsókninni á hvarfi vélarinnar.

Hvernig flugherinn náði að taka yfir vélinni, þá segir í skýrslu GRU, að þeim hafi tekist það með því að fjarstýra henni þar sem Boeing 777-200ER er útbúin "fly-by-wire" búnaði sem herflugvélar geti m.a. tekið yfir.

Möguleiki er á því að varningurinn, sem var um borð í vélinni, hafi tilheyrt 20 sérfræðingum, sem voru um borð í vélinni sem störfuðu fyrir tæknifyrirtækið Freescale sem hefur höfuðstöðvar í Texas sem framleiðir íhluti í hátæknivopn og einnig örflögur sem geta geymt mikið magn af upplýsingum sem varnamálastofnanir, ríkisstjórnir og leyniþjónustur geta nýtt sér.

Í dag eru 8 vikur síðan að malasíska farþegaþotan hvarf af ratsjá á leið sinni frá Kuala Lumpur til Peking. Sagt er að leitin að vélinni gæti tekið marga mánuði í viðbót og jafnvel ár.







  fréttir af handahófi

Vonast til að geta farið að fljúga 737 MAX þotunum fyrir lok júlí

13. maí 2019

|

Flugfélagið Copa Airlines í Panama segist eiga von á því að geta farið að nota aftur Boeing 737 MAX þoturnar fyrir lok júlímánaðar.

Einkaþota í lendingu rakst með væng á flugvallarbíl

19. mars 2019

|

Flugvallarstarfsmaður slasaðist töluvert er einkaþota rakst með væng utan í ökutæki í lendingu á flugvelli í Kuala Lumpur í Malasíu í gær.

Niki Lauda látinn

21. maí 2019

|

Milljarðamæringurinn, ökuþórinn og flugfélagamógúllinn Niki Lauda er látinn en hann lést í gær sjötugur að aldri á háskólasjúkrahúsinu í Zurich í Sviss umvafinn vinum og ættingjum.

  Nýjustu flugfréttirnar

Gjaldþrot sagt blasa við hjá Adria Airways

14. júní 2019

|

Sagt er að gjaldþrot sé yfirvofandi hjá flugfélaginu Adria Airways en félagið er þjóðarflugfélag Slóveníu og stærsta flugfélag landsins.

Færri farþegar um flugvöllinn í Kaupmannahöfn í maí

14. júní 2019

|

Færri farþegar fóru um flugvöllinn í Kaupmannahöfn í maí samanborðið við maí í fyrra og er þetta í fyrsta sinn í langan tíma sem að farþegafjöldinn gengur til baka milli ára.

Kennsluflugvél nauðlenti á Vestfjörðum

13. júní 2019

|

Kennsluflugvél frá Flugakademíu Keilis þurfti að nauðlenda á Vestfjörðum seinnipartinn í dag.

Sveinbjörn Indriðason nýr forstjóri Isavia

13. júní 2019

|

Stjórn Isavia hefur ráðið Sveinbjörn Indriðason í starf forstjóra Isavia og tekur hann strax við starfinu, sem hann hefur gegnt undanfarna mánuði ásamt Elínu Árnadóttur aðstoðarforstjóra.

Nepal Airlines setur seinni Boeing 757 þotuna á sölu

13. júní 2019

|

Nepal Airlines hefur sett síðustu Boeing 757 þotuna á sölu eftir að stjórn flugfélagsins samþykkti sölu á flugvélinni.

Donald Trump kynnir nýtt útlit fyrir Air Force One

13. júní 2019

|

Donald Trump, forseti Bandaríkjanna, kynnti í gær nýtt útlit á nýju Air Force One forsetaflugvélina í viðtali við fréttamenn ABC News sem fram fór í Hvíta Húsinu.

SAS mun fljúga fyrsta flugið með Airbus A350 í janúar 2020

13. júní 2019

|

SAS (Scandinavian Airlines) segir að félagið muni hefja áætlunarflug með Airbus A350 þotunni í janúar á næsta ári.

Isavia gerir samning um kolefnisjöfnun

12. júní 2019

|

Isavia hefur gert samning um kolefnisjöfnuð í samvinnu við Kolvið og Votlendissjóð til þriggja ára en samningur þess efnis var undirritaður í dag í Flugstjórnarmiðstöðinni við Reykjavíkurflugvöll.

Chair nýtt flugfélag í Sviss

12. júní 2019

|

Nýtt flugfélag hefur verið stofnað í Sviss sem ber heitið Chair Airlines og hefur fyrsta þotan í flota félagsins verið máluð í litum þess en félagið er nýtt flugfélag sem reist var á grunni Germania F

Boeing 737 MAX í ferjuflugi fékk ekki að fljúga yfir Þýskaland

12. júní 2019

|

Áhöfn á Boeing 737 MAX þotu frá Norwegian, sem verið var að ferja frá Malaga á Spáni til Stokkhólm, neyddist til þess að lenda í Frakklandi þar sem flugmálayfirvöld í Þýskalandi meinuðu vélinni að fl

 síðustu atvik

  2019-01-01 20:20:00