flugfréttir

Aldrei var leitað á heitasta svæðinu sem kom sterklegast til greina

- Skipið Ocean Shield fór ekki á það svæði sem sérfræðingar Inmarsat mæltu með

17. júní 2014

|

Frétt skrifuð kl. 21:30

Leitin einblíndist það mikið að hljóðmerkjunum sem greindust í sjónum að aldrei var leitað á svæðinu sem komst sterklegast til greina

Breska gervihnattarfyrirtækið Inmarsat segir að aldrei hafi verið leitað á þeim stað sem kom sterklegast til greina sem sá staður þar sem malasíska farþegaþotan gæti hafa farist þegar leitin af vélinni stóð sem hæst yfir í vor.

Inmarsat, sem tók á móti nokkrum merkjum frá malasísku flugvélinni gegnum gervihnött, eftir að hún hvarf af ratsjá, segir að þrátt fyrir alla þá leit sem gerð var hafi ekki enn verið leitað á "heitasta staðnum" sem er svæði sem sérfræðingar Inmarsat mæltu með og töldu að þar væri flak vélarinnar að finna.

Yfirmaður Inmarsat, sagði í nýlegu sjónvarpsviðtali á BBC að ástæðan fyrir því að ekki var leitað á þessu tiltekna svæði sé sennilega sú að ástralska skipið Ocean Shield, sem notaði leitarbúnaðinn Towed Pinger Locator og síðar sjálfvirka kafbátavélmennið Bluefin-21, hafi verið of upptekið við að eltast við hljóðmerkin fjögur sem greindust í sjónum.

Þau hljóðmerki greindust með Towed Pinger Locator búnaðinum þegar skipið var á leiðinni á leitarsvæðið og var talið að þar hafi verið á ferðinni hljóðbylgjur frá svörtu kössum vélarinnar en mörgum vikum síðar var talið að þau merki hafi eftir allt saman verið bylgjur frá skipinu sjálfu eða öðrum skipum sem voru við leit.

Frá höfuðstöðvum Inmarsat í London

"Þetta var alls ekki "heita svæðið" sem þeir voru að leita á allan tímann á - það lá miklu meira til norðaustur en það svæði sem við vorum búnir að mæla með sem líklegasti staðurinn þar sem flakið væri að finna", segir Chris Ashton, hjá Inmarsat.

Á klukkutíma fresti gaf búnaður malasísku vélarinnar frá sér merki til gervitungls nóttina sem vélin hvarf. Sérfræðingar notuðu þau merki til að reikna leið vélarinnar m.a. við farflugshraða, stefnu og var miðað við að vélin væri á sjálfstýringu en með því reiknuðu þeir út það svæði sem þeir töldu að kæmi sterklegast til greina.

Leitarskipið Ocean Shield fór aldrei á "heita svæðið"

Skipið Ocean Shield var ekki komið á þetta "heita svæði" þegar allt fór að snúast um hljóðmerki sem greindust í sjónum og fór skipið strax að athuga hvort að þessi merki væru að koma frá flugritunum.

Ástralska skipið Ocean Shield

"Við náðum að finna mjög trúlega flugleið sem kom heim og saman við hvert augnablik er vélin sendi frá sér merki til gervitunglins og það passaði við tímasetningarnar og við vorum búnir að njörva niður þann stað sem við töldum að vélin hefði endað flugferð sína, segir Ashton.

Hlé stendur nú yfir á leitinni fram í ágúst en þegar hún mun hefjast að nýju mun "heita svæðið" gegna lykilhluverki í leitinni og verður einblínt bæði á það og aðrar niðurstöður sem verið er að vinna úr.

"Annaðhvort Inmarsat eða malasíska ríkisstjórnin eru að ljúga"

Ethan Hunt, forsvarsmaður fyrir verkefninu "Reward MH370: The Search for the Truth", þar sem verið er að safna yfir 500 milljónum króna í verðlaunafé, segist vona að einhvern uppljóstrari "þarna úti" muni stíga fram og koma með góðar vísbendingar sem gæti leyst ráðgátuna.

Hunt segir að hvorki Inmarsat né hreyflaframleiðandinn Rolls-Royce hafi birt þau gögn opinberlega sem þeir hafa undir höndum sem notuð hafa verið í rannsókn við leitina að vélinni.

Fjölskyldufaðir spyr heiminn hvar konan hans er, 17 ára sonur sinn og 13 ára dóttir sín. Öll voru þau um borð í malasísku flugvélinni

Sarah Bajc, unnusta Peter Woods, sem var um borð í vélinni, segir að ef Inmarsat hefði ekkert að fela myndu þeir birta allar upplýsingarnar - "Ef það eru ekki þeir, þá er það malasíska ríkisstjórnin sem er að fela sannleikann - en malasísk stjórnvöld segja að búð er að birta öll gögn sem þeir fengu í hendurnar - Það er augljóst að annar hvort aðilinn er að ljúga", segir Bajc.

Ethan Hunt efast um þá viðamiklu leit sem fram hefur farið í Suður-Indlandshafi og mun hefjast að nýju í ágúst og segir hann að svo lengi sem öll gögn eru ekki birt þá er verið að eyða skattpeningum íbúa Ástralíu í rugl.







  fréttir af handahófi

Nánast allt flug á vegum Ryanair mun leggjast af

18. mars 2020

|

Ryanair gerir ráð fyrir að hætta að mestu að fljúga og fella niður nánast allt áætlunarflug frá og með 24. mars næstkomandi vegna þeirra áhrifa sem COVID-19 hefur haft á flugið en frá og með miðnætt

Emirates mun hætta öllu farþegaflugi

22. mars 2020

|

Emirates hefur ákveðið að stöðva allt áætlunarflug frá og með 25. mars næstkomandi vegna heimsfaraldursins en félagið mun þó sinna áfram fraktflugi.

Íhuga næturflugbann vegna hárrar raforku á nóttunni

2. mars 2020

|

Flugmálayfirvöld í Pakistan eru að íhuga að setja á bann við næturflugi á helstu flugvöllum landsins vegna aukins kostnaðar sem hefur orðið á verði á raforku er kemur að lýsingu á flugvöllum í Pakist

  Nýjustu flugfréttirnar

Sagt að Condor verði ríkisvætt

1. apríl 2020

|

Óstaðfestar heimildir herma að ríkisstjórn Þýskalands ætli sér að ríkisvæða flugfélagið Condor og taka yfir rekstur þess eftir að viðræður félagsins við LOT Polish Airlines fóru út um þúfur en pólska

Yfirlýsing frá Isavia vegna fréttatilkynningar frá Sameyki

1. apríl 2020

|

Vegna fréttatilkynningar sem stjórn Sameykis stéttarfélags sendi frá sér í gær, 31. mars, vill Isavia ítreka að uppsagnirnar sem félagið varð nauðsynlega að fara í um þessi mánaðamót eru vegna áhrifa

Þotu snúið við eftir að hlaðmenn greindust með COVID-19

1. apríl 2020

|

Farþegaþotu frá Qantas var snúið við í gær eftir að í ljós kom að niðurstöður úr skimun leiddi í ljós að sex hlaðmenn á flugvellinum í Sydney greindust með kórónaveiruna.

Emirates mun fá fjárhagsaðstoð frá Dubai

1. apríl 2020

|

Krónprinsinn í Sameinuðu arabísku furstadæmunum, Sheikh Hamdan bin Mohammed bin Rashid Al Maktoum, hefur gefið í skyn að ríkisstjórn landsins ætli að setja aukið fé inn í rekstur flugfélagsins Emirat

Flugið mun sennilega ekki ná sér á strik fyrr en í byrjun 2021

1. apríl 2020

|

Alþjóðasamtök flugfélaganna (IATA) sjá ekki fram á að farþegaflug í heiminum eigi eftir að komast aftur á sama stig og það var fyrir COVID-19 fyrr en í fyrsta lagi í ársbyrjun ársins 2021.

Lítið skoskt flugfélag flýgur í fyrsta sinn á Heathrow

31. mars 2020

|

Í fyrsta skipti í 58 ára sögu Loganair flaug flugfélagið skoska á Heathrow-flugvöllinn í London en félagið hefur vanalega flogið um London City flugvöllinn en þeim flugvelli hefur verið lokað tímabun

Rekstur Air Iceland Connect og Icelandair mun sameinast

31. mars 2020

|

Icelandair Group hefur tilkynnt að rekstur Icelandair og Air Iceland Connect verði sameinaður rekstri Icelandair.

Heathrow verður fraktmiðstöð fyrir sjúkrabirgðir og lyf

31. mars 2020

|

Heathrow-flugvöllurinn í London verður gerður að lyfja- og sjúkrabirgðamiðstöð meðan á COVID-19 heimsfaraldrinum stendur.

British Airways aflýsir öllu flugi um Gatwick

31. mars 2020

|

British Airways hefur aflýst öllu flugi um Gatwick-flugvöll frá og með morgundeginum 1. apríl og verður þeim flugvélum lagt sem hafa aðsetur á flugvellinum vegna heimsfaraldursins.

Uppsagnir hjá Isavia vegna COVID-19

30. mars 2020

|

Isavia hefur í dag gripið til uppsagna í kjölfar þeirra gríðarmiklu áhrifa sem útbreiðsla Covid 19 hefur á ferðamannastraum til Íslands. Flestar verða uppsagnirnar á Keflavíkurflugvelli þar sem ljóst

 síðustu atvik

  2019-01-01 20:20:00