flugfréttir

MH370: „Ef vélin er þarna þá munum við finna hana“

- Fugro Survey vongóðir um að finna flug MH370

30. ágúst 2014

|

Frétt skrifuð kl. 20:29

Búið er að kortleggja 2/3 af hafsbotninum á aðalleitarsvæðinu en leitin þar hefst um miðjan september eða um 10 dögum á eftir áætlun

Daniel O´Malley, talsmaður rannsóknarnefndar flugslysa í Ástralíu, er vongóður um að malasíska farþegaþotan muni finnast í Indlandshafi þegar næsta lotan í leitinni hefst í september.

"Við verðum að hafa í huga að það tók 2 ár að finna flak Air France-vélarinnar sem fórst í Atlantshafi árið 2009 þótt að síðasta staðsetning flugs AF447 var mjög nákvæm - Við erum að glíma við mun stærra svæði og krefjandi aðstæður", segir O´Malley.

Aðstoðarforsetisráðherra Ástralíu, Warren Truss, sendiherra Malaysíu í Ástralíu og He Jianzhong, varasamgönguráðherra Kína, kynntu í dag 58 staðsetningar sem koma helst til greina þar sem flak vélarinnar gæti verið að finna á leitarsvæðinu í Suður-Indlandshafi.

Hér má sjá hvar mesta áherslan verður lögð á að leita ásamt öðrum leitarsvæðum

"Sjöundi hringboginn þar sem sjöunda og síðasta merkið kom frá vélinni til Inmarsat-gervitunglsins er enn í dag sterkasta vísbendingin sem við höfum - Við erum mjög sannfærðir um að vélin muni finnst í kringum þann boga", segir O´Malley

Tvö skip á Suður-Indlandshafi hafa nú þegar kortlagt um 2/3 af 60.000 ferkílómetra af hafsbotninum á svæðinu með sónarbúnaði sem er undirbúningur fyrir neðansjávarleitina sjálfa sem hefst í næsta mánuði en þá munu þrjú önnur skip bætast við, tvö skip frá Fugro Survey Australia, sem er fyrirtækið sem var valið til að taka að sér leitina, en það mun leggja til skipin Equator og Discovery og þá mun malasíska leitarskipið GO Phoenix einnig mæta á svæðið.

Annað skipið, Fugro Equator, er nú þegar í Ástralíu



"Togfiskurinn" verður notaður í leitinni

Hvert skip mun draga á eftir sér sérstakan sónarbúnað sem kallast "Togfiskurinn" eða "Towfish" sem verður dregin í um 100 metra hæð yfir sjávarbotninum sem á þessu svæði nær niður á allt að 6 kílómetra dýpi en toglínan, sem dregur búnaðinn, er um 10 kílómetra löng.

Það er bandaríska fyrirtækið EdgeTech sem framleiðir Togfiskinn en hann hefur verið m.a. notaður til neðansjávarleitar að gömlum tundurduflum og sprengjum úr Seinni heimstyrjöldinni.

Um borð í Fugro Equator. Í þessu herbergi munu sérfræðingar fylgjast með því hvað er að gerast á hafsbotni um leið og "Togfiskurinn" verður dregin yfir ofan hafsbotninn

Einnig verður notast við sérstakan búnað sem getur greint og "þefað" uppi minnstu dropa af þotueldsneyti í hafinu og þá verður einnig notast við myndatökubúnað til að skoða flakið, ef það finnst.

Mesta áherslan verður lögð á að finna braksvæðið en búnaðurinn í skipunum á að geta komið auga á hreyfilinn þar sem sónarbúnaðurinn greinir hluti á hafsbotni sem eru 2 x 2 metrar á stærð.

Steve Duffield, yfirmaður Fugro Survey, mun fá 365 daga til að leita að malasísku vélinni en hann segir að eðli verkefnisins sé mjög svipað því sem fyrirtækið er að gera hvern einasta dag.

"Það sem er sérstakt við þetta verkefni er hversu stórt þetta svæði er, hversu djúpt hafið er staðsetningin sem virðist vera langt, langt í burtu frá öllu", segir Duffield. "Rannsóknarnefndin hefur hannað leitarsvæðið og ef vélin er þarna þá finnum við hana og við gætum bæði fundið hana á fyrsta degi eða á síðasta deginum".

"Við vitum hvaða tíma við höfum sem er um það bil eitt ár. Við munum leita eftir þeim upplýsingum sem rannsóknarnefnd flugslysa í Ástralíu mun afhenda okkur og það getur breyst hvenær sem er. Flakið gæti verið mun sunnar en nú er haldið eða mun norðar", segir Duffield.

Systurskipið á leiðinni til Ástralíu

Annað skip fyrirtækisins, Fugro Discovery, eru nú á leið til Ástralíu frá Hollandi og er talið að það verði komið þangað um miðjan september en Fugro Discovery hefur tafist á leiðinni þar sem skipið tók á sig krók vestur fyrir Afríku til að forðast Suez-skurðinn vegna hættu á sjónræningjum þrátt fyrir að búið sé að undirbúa skipið vel fyrir sjóránum með gaddavírsgirðingum sem hafa verið festar við þilfarið.

Staðsetning systurskipsins, Fugro Discovery, kl. 19:20 í kvöld á MarrineTraffic. Skipið er núna skammt undan ströndum Suður-Afríkuþ







  fréttir af handahófi

EasyJet leggur 100 þotum

16. mars 2020

|

EasyJet hefur lagt um 100 farþegaþotum vegna útbreiðslu kórónaveirunnar og segir félagið að svo gæti farið að nauðsynlegt verði að leggja flestum þotunum í flotanum þegar á líður.

Drónavarnarkerfi komið upp á Heathrow-flugvelli

16. janúar 2020

|

Stjórn Heathrow-flugvallarins í London hefur lokið við að koma upp drónavarnarkerfi sem á að koma í veg fyrir að fljúgandi flygildum sé flogið nálægt loftrými vallarins og inn á flugvallarsvæðið.

Annað stærsta flugfélag Ítalíu gjaldþrota

11. febrúar 2020

|

Ítalska flugfélagið Air Italy er gjalþrota og hætti félagið starfsemi sinni í dag vegna rekstarerfiðleika þrátt fyrir að Qatar Airways hafi átt helmingshlut í félaginu.

  Nýjustu flugfréttirnar

Segir að EasyJet hafi ekki efni á fleiri nýjum þotum

30. mars 2020

|

Stelios Haji-loannou, stofnandi easyJet, hótar því að láta reka stjórnarmeðlimi úr stjórn félagsins ef þeir draga ekki úr skuldbindingum félagsins sem gerðar hafa verið við Airbus um kaup á nýjum fa

Ein yngsta Airbus A320 þotan sem send hefur verið til niðurrifs

30. mars 2020

|

Hollenska fyrirtækið TDA, sem sérhæfir sig í flugvélapörtum og niðurrifi á flugvélum, segir að það hafi tekið að sér að rífa í brotajárn yngstu Airbus A320 þotu sem fyrirtækið hafi fengið í sínar hen

Piper framleiðir andlitshlífar fyrir heilbrigðisstarfsfólk

30. mars 2020

|

Flugvélaframleiðandinn Piper Aircraft hefur ákveðið að láta gott af sér leiða í baráttunni við kórónaveiruna og COVID-19 með því að hefja framleiðslu á andlitshlífðarbúnaði fyrir heilbrigðisstarfsfól

Flugmenn samþykkja laun og kjör er varðar Project Sunrise

30. mars 2020

|

Flugmenn hjá ástralska flugfélaginu Qantas hafa kosið með Sólarupprásar-verkefninu Project Sunrise sem er framtíðarstefna Qantas í að bjóða upp á beint flug frá Ástralíu til Evrópu og Norður-Ameríku

Singapore Airlines ætlar að gefa út ný hlutabréf

27. mars 2020

|

Singapore Airlines ætlar að gefa út ný hlutabréf og skuldabréf upp á 868 milljarða króna til þess að auka rekstarfé félagsins og blása nýju lífi inn í fjárhagsstöðu félagsins vegna COVID-19 heimsfara

North Terminal flugstöðinni á Gatwick lokað

27. mars 2020

|

Gatwick-flugvöllurinn ætlar sér að loka norðurflugstöðinni og takmarka flugumferð um flugvöllinn þar sem flugumferð hefur minnkað gríðarlega vegna COVID-19 faraldursins.

Hætta sjúkraflugi vegna skorts á fjármunum

27. mars 2020

|

Sjúkraflutningafyrirtækið Air Ambulance Service á Írlandi mun hætta starfsemi sinni þann 3. apríl næstkomandi en fyrirtækið er fyrsta sjúkraflutningafélagið sem stofnað var á Írlandi sem rekið hefu

Flugumferð hættir að dragast saman í bili

27. mars 2020

|

Dregið hefur úr þeirri fækkun sem hefur átt sér stað í fjölda flugferða í heiminum undanfarna daga og hefur fjöldi daglegra flugferða verið í kringum 95.000 flug á dag í vikunni ef marka má upplýsin

Miami Air sækir um Chapter 11 greiðslustöðvun

26. mars 2020

|

Bandaríska flugfélagið Miami Air International hefur sótt um greiðslustöðvun undir reglugerðinni Chapter 11 en umsókn vegna þessa var send inn formlega til dómstóls í Flórída sl. þriðjudag.

Framkvæmdir hafnar að nýju á 65 flugvöllum í Kína

26. mars 2020

|

Kínverjar hafa hafið framkvæmdir að nýju á 65 flugvöllum í landinu þar sem framkvæmdir voru í fullum gangi áður en þær stöðvuðust vegna útbreiðslu kórónuveirunnar.

 síðustu atvik

  2019-01-01 20:20:00