flugfréttir
Í þriðja skiptið er lent vegna rifrildis um hallandi sætisbak
- Setti sætisbakið niður á konu sem lá sofandi fram á borðinu fyrir aftan
jacksonville, fl
2. september 2014
|
Frétt skrifuð kl. 15:04
Vélin, sem var af gerðinni Airbus A319, neyddist til að lenda í Jacksonville eftir rifrildi vegna hallandi sætisbaks
Farþegaþota frá Delta Air Lines neyddist til að lenda á flugvellinum í Jacksonville í Flórída í gærkvöldi vegna deilna milli farþega yfir hallandi sætisbaki.
Vélin var á leið frá LaGuardia-flugvellinum í New York til West Palm Beach en farþegi, sem var um borð í vélinni, Aaron Klipin, sagði í viðtali á útvarpsstöðinni News4Jax að
allt byrjaði með því að kona, sem sat við hliðina á honum, hafi hallað sætisbakinu niður eins og flestir farþegar gera.
Hinsvegar gerði hún sér ekki grein fyrir því að fyrir aftan hana sat hin 32 ára Amy Fine sem hafði hallað sér
fram á borðið til að reyna að sofna í vélinni en hún fékk sætisbakið í höfuðið.
Konurnar tvær fóru að rífast og kalla þurfti til flugliða sem reyndi að skakka leikinn en Amy brást hin versta við, blótaði flugfreyjunni í sand og ösku og sagðist vera alveg sama um afleiðingarnar sem hegðun hennar gæti leitt til og krafðist þess að flugstjórinn
myndi lenda vélinni fyrst það væri í boði.
Flugstjóri vélarinnar tilkynnti farþegum að verið væri að undirbúa öryggislendingu í Jacksonville þar sem vélin lenti
og var Amy yfirheyrð af lögreglu en hún sagði að hún væri í miklu tilfinningalegu ójafnvægi eftir að báðir hundarnir
hennar hefðu drepist nýlega. Amy var látin laus og fékk hún að fara með næsta flugi áfram til West Palm Beach.
Þetta er í þriðja skiptið sem farþegaþota í Bandaríkjunum þarf að lenda á miðri leið vegna rifrildis í háloftunum
yfir hallandi sætisbaki á einni viku og hafa nú þrjú stærstu flugfélögin í Bandaríkjunum, American Airlines, United og Delta, öll orðið fyrir barðinu á farþegum sem
hafa verið ósáttir yfir því að farþegi fyrir framan sé að halla sætisbakinu niður.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
