flugfréttir
Spenging varð í eldflaugahreyfli er hann var ræstur í 45.000 fetum
- Meðvitaðir um áhættuna sem fylgir nýju geimferðarverkefni
Brak SpaceShipTwo í Mojave-eyðimörkinni skammt frá bænum Cantil
Sprenging í eldflaugahreyfli olli því að geimflugvél Virgin Galactic, SpaceShipTwo, hrapaði til jarðar í dag en móðurvélin, WhiteKnightTwo, var nýbúin að sleppa vélinni í 45.000 fetum þegar verið var að ræsa eldflaugahreyfilinn.
Vélin var í þeirri hæð þegar hún hrapaði til jarðar kl. 17:22 í dag að íslenskum tíma um 20 kílómetra norðaustur af bænum California City í Mojave-eyðimörkinni
norður af Los Angeles.
Aðstoðarflugmaðurinn lést en ekki er vitað um liðann flugstjórans sem náði að skjóta sér frá borði
Flugmenn SpaceShipTwo - Frederick CJ Sturckow (lengst til vinstri), Michael Masucci (annar frá hægri) og Peter Siebold (lengst til hægri) - Á myndina vantar Todd "Leif" Ericson. - Ekki er vitað hver af þeim var að fljúga vélinni í dag.
Geimflugvélin SpaceShipTwo hét "VSS Enterprise" og bar vélin skráninguna N339SS og var vélin sú fyrsta af þeim
fimm geimflugvélum sem Virgin Galactica ætlar að smíða fyrir flugferðir með farþega út í geiminn.
VSS Enterprise var smíðuð árið 2009 af fyrirtækinu Scaled Composites og flaug vélin fyrsta
flugið knúið áfram með eldflaugahreyflum í apríl árið 2013 en vélin hafði flogið 55 tilraunaflugferðir í heildina áður
en slysið átti sér stað og þar af 35 flugferðir eins síns liðs eftir að hafa verið sleppt frá móðurvélinni WhiteKnightTwo.
Geimflugvöllurinn í Mojave-eyðimörkinni (Space Port)
Vélin fór í loftið frá Mojave Air and Space Port en tilgangur tilraunaflugsins í dag var að prófa endurhannaða útgáfu
af eldflaughreyfli.
Sjónarvottur sagðist hafa séð vélina falla til jarðar og hafi eldflaugahreyfillinn farið nokkrum sinnum í gang
en stoppast á víxl og aðrir sjónarvottar sáu fallhlíf svífa til jarðar eftir að vélin fórst en WhiteKnightTwo lenti
giftusamlega.
Branson: "3% af geimförum NASA hafa týnt lífi í geimferðum"
Richard Branson, eigandi Virgin Galactic, sagði fyrir nokkrum dögum síðan í viðtali við Guardian Weekend Magazine að allir
sem starfa hjá fyrirtækinu eru meðvitaðir um að nýtt geimferðarverkefni er í fæðingu og fylgi því mikil áhætta og tók
hann fram að bandaríska geimferðarstofnunin NASA missti 3% af öllum þeim geimförum sem höfðu farið út í geim.
SpaceShipTwo (N348MS) hvarf af Flightradar24.com kl. 17:22 að íslenskum tíma
"Ríkisrekið fyrirtæki getur komist upp með að missa 3 prósent af sínu starfsfólki úti í geimnum en einkarekið
fyrirtæki, sem býður upp á geimferðir, hefur ekki efni á að missa neinn af sínum viðskiptavinum", sagði Branson á dögunum.
George Whitesides, framkvæmdarstjóri Virgin Galactic, vottaði ættingjum og fjölskyldum aðstoðarflugmannsins samúð sína
á blaðamannafundi sem fór fram í kvöld eftir slysið. - "Geimurinn er erfiður og í dag var mjög erfiður dagur", sagði Whitesides.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.