flugfréttir
Olíuflugleið SAS frá Stavanger til Houston strax komin út í plús
- 500.000 króna farmiði fram og til baka - Lengsta flug með Boeing 737
28. nóvember 2014
|
Frétt skrifuð kl. 22:53
SAS hóf flug frá Stavanger til Houston þann 20. ágúst
Nýja olíuflugleið Scandinavian Airlines (SAS), frá Stavanger í Noregi til Houston í Texas, virðist ganga vel en tveir og hálfur mánuður er síðan að félagið hóf flug á milli þessara áfangastaða með langdrægri Boeing 737-700 vél.
Nú hafa 2.895 farþegar nýtt sér beint flug milli Stavanger og Houston en ódýrasta fargjaldið er ekki undir 240.000 krónum
aðra leiðina og kostar miðinn fram og til baka um 500 þúsund krónur.
SAS getur státað sig af því að bjóða upp á lengstu flugleið í heimi sem flogin er með Boeing 737 en flugleiðin er meira en 8.000 kílómetra löng og tekur flugið um 11 klukkustundir og eru um borð 44 rúmgóð fyrsta farrýmissæti í vélinni sem hægt er að breyta í liggjandi bása.
"Yfirleitt tekur um eitt til tvö ár til að sjá hvort að flugleið til nýs áfangastaðar sé arðbær eða ekki en í þessu tilfelli
er flugleiðin komin út í hagnaði á aðeins 2 mánuðum", segir Tormod Sandstø hjá SAS.
SAS ákvað að tengja saman Noreg og Texas vegna viðskiptatengsla þar á milli er snýr að olíuiðnaði en fjöldi Norðmanna sem starfa í olíuiðnaðinum eru í viðskiptum við sambærileg fyrirtæki í Texas.
Olíukaupsýslumenn hafa hingað til þurft að fljúga með KLM gegnum Amsterdam eða taka British Airways til London Heathrow og skipt þar um vél til Houston eða Dallas.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
