25 ár frá því að reykingar voru bannaðar um borð í innanlandsflugi vestanhafs

26. febrúar 2015

|

Frétt skrifuð kl. 07:12

Flugfreyja kveikir í vindli hjá farþega um borð í vél American Airlines árið 1949

Í gær voru 25 ár liðin frá því að reykingar voru bannaðar í innanlandsflugi vestanhafs í kjölfar reglugerðar sem Ronald Reagan, þáverandi Bandaríkjaforseti, undirritaði um bann við reykingum um borð í innanlandsflugi árið 1998.

Reglugerð tók í gildi þann 25. febrúar árið 1990 þess efnis að farþegar mætti ekki lengur kveikja sér í sígarettu um borð í öllu innanlandsflugi í Bandaríkjunum en fyrir þann dag kveiktu flugfreyjur í sígarettum hjá farþegum.

Það var ekki fyrr en nokkrum árum fyrir aldamótin að í ljós kom að farþegum líkaði mjög vel við þessa breytingu sem kom mjög á óvart þar sem margir töldu að ómögulegt að koma á slíku banni.

Flugliðar um borð í vél LAN kveikja sér í sígarettu kringum 1960

Delta Air Lines ákvað árið 1995 að banna einnig reykingar um borð í millilandaflugi og fljótlega fóru farrýmin í vélum félagsins að ilma betur.

Árið 1964 komu skurðlæknar vestanhafs fram með skýrslu þar sem sagt var að búið væri að finna út að reykingar væru skaðlegar heilsunni en það var ekki fyrr en árið 1971 að United ákvað að bjóða upp á sérstakt reykfarrými til að hlífa reyklausum farþegum heilsunnar vegna.

Í kjölfar skýrslunnar um skaðsemi reykinga börðust flugfreyjur fyrir því að flugvélar yrðu reyklausar um miðjan sjöunda áratuginn og könnun sem gerð var á svipuðum tíma leyddi í ljós að 60% farþega sögðust verða fyrir óþægindum af sígarettureyknum.

Tveir herramenn á fyrsta farrými með pípu og vindil

"Einhver sagði að að reyksvæði í flugvél væri eins og sérstakt pissusvæði í sundlaug", sagði Dave Dobbins hjá Legacy-hópnum sem barðist á móti reykingum.

"Auðvitað áttum við von á því að missa farþega frá okkur en það virkaði akkurat öfugt því það kusu fleiri að fljúga með okkur", sagði Redmond Tyler, talsmaður Northwest Airlines á þeim tíma.

Tóbaksframleiðendu ósáttir

Ekki voru allir sáttir við reykingabannið og þar á meðal tóbaksframleiðandinn R. J. Reynolds, sem framleiðir m.a. Camel, Winston og Salem sígaretturnar, en samtök um réttindi reykingafólks Smokers Rights Alliance kröfðust þess að flugfélögin myndu leyfa farþegum að reykja á ný um borð í flugi á þeim forsendum að 35% farþega reyktu.

En tímarnir breyttust og tveimur árum síðar, árið 1997, ákváðu American Airlines og TWA í sameiningu, ásamt Delta og United, að gera öll flug reyklaus og árið 2000 undirritaði Bill Clinton, þáverandi Bandaríkjaforseti, lög um bann við reykingum um borð í öllum farþegaflugi til og frá Bandaríkjunum.