flugfréttir
Hin fertuga F-16 sögð hafa unnið F-35 orrustuþotuna í „hundaslag“
F-35 Lighning II orrustuþotan fyrir framan og F-16 bakvið
F-35 orrustuþotan er sögð hafa þurft að setja í minni pokann fyrir F-16 orrustuþotunni í tilraunaslag sem fram fór fyrr á þessu ári þar sem herþoturnar tvær voru látnar etja kappi.
F-35 er ein dýrasta orrustuþota sem sögur fara að og hleypur kostnaðurinn við framleiðslu hennar á 46 þúsund milljörðum króna en fjölmiðlar segja að F-16 þotan, sem smíðuð fyrir 40 árum síðan, hafði betur er kom að getu og yfirburðum en F-35 er sögð vera tæknivæddasta orrustuþota sem smíðuð hefur verið í heiminum.
Bandaríski flugherinn ákvað að láta F-35 etja kappi við F-16 þotuna í þeim tilgangi að gera tilraun með eiginleika vélarinnar í orrustu í návígi við aðra þotu og áttu þær að líkja eftir því þegar tvær herþotur reyna að skjóta hvor aðra niður.
Nýlega var birt skýrsla herflugmannsins sem flaug F-35 þotunni og fer hann ekki fögrum sögum af þessari rándýru þotu og segir hann að hún hafi verið mjög stirð þegar kom að bardaga við óvinaþotu í sjónfjarlægð.
F-35 dregin á bandarískum herflugvelli
Flugmaðurinn tilkynnti einnig um nokkur loftaflflæðisvandamál á borð við að „pitch rate“ væri mjög ábótavant í klifri sem dregur úr snerpu hennar í eltingaleik við óvininn og þá væri væri glerkúpullinn ekki að gefa nægilega góða 360 gráðu yfirsýn þar sem stjórnklefinn væri of þröngur og með því gæti F-16 þotan komið aftan að honum án þess að flugmaður F-35 þotunnar yrði þess var.
Ýmis vandamál hafa komið upp með framleiðsluna á F-35 þotunni og hefur ferlinu seinkað um 8 ár og er kosnaðurinn þegar komin hundruði milljarða króna fram yfir áætlun.
Robert Schmidle, yfirmaður bandaríska sjóhersins, segir hinsvegar að F-35 þotan sé eins og fljúgandi tölva sem getur komið auga á aðra herþotu 10 sinnum fyrr en óvinurinn.
F-16 þotan er hinsvegar enn í góðu formi þótt að hún hafi komið á markaðinn árið 1974 og hefur stöðug endurnýjun átt sér stað á stjórntækjum hennar og öðrum búnaði sem hefur verið uppfærður reglulega.
Lockheed Martin segir ekki rétt að F-35 hafi tapað fyrir F-16
Lockheed Martin, sem smíðar F-35 Lightning II þotuna, segir á vefsíðu sinni að það sé ekki satt sem fjölmiðlar hafa verið að segja sl. daga og sé ekki allt sem sýnist í þeim efnum og ekki öll sagan sögð.
Í grein sem birtist þann 1. júlí kemur fram að F-35 vélin, sem tók þátt í æfingunni, hafi verið sérstök tilraunaútgáfa sem nefnist AF-2 og sé hún ekki fullútbúin með öllum þeim stjórntækjum sem hefðbundin F-35 þota býr yfir.
Þá hafi vélin ekki haft viðeigandi tölvukerfi og hugbúnað uppsettan sem er nauðsynlegur til að virkja þá skynjara sem stýra sérhæfðu árásarkerfi sem notað er í orrustu við aðra vél.
Lockheed Martin segir að tilgangur tilraunarinnar hafi náðst þar sem var verið að láta reyna á F-35 þotuna til hins ítrasta án þess að hún færi út fyrir þau mörk sem vélin er hönnuð fyrir.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.