flugfréttir
Ítarlegri hönnun á Boeing 777-9 lokið
27. ágúst 2015
|
Frétt skrifuð kl. 23:32
Boeing 777X vélin mun koma á markaðinn árið 2020
Boeing tilkynnti í dag að búið sé aðþróa og ákveða lokaútfærslur á hönnun Boeing 777-9 þotunnar sem verður fyrsta útgáfan af Boeing 777X vélinni sem mun fara í framleiðslu eftir 2 ár.
Hönnunarteymið, sem vinnur að þróun vélarinnar, sagði í yfirlýsingu í dag að um mikilvægan áfanga að ræða eftir náið samstarf með þeim flugfélögum sem hafa pantað vélina og þeim aðilum sem munu koma til með að framleiða íhluti og einingar í nýju þotuna.
„Sú rannsóknarvinna sem hefur farið fram er nauðsynleg til að samhæfa óskir flugfélaganna og flughæfni vélarinnar verkfræðilega séð„ segir í yfirlýsingu frá Boeing en framundan eru prófanir með líkan af vélinni í vindgöngum auk fjölda tilrauna með loftaflsfræðilega eiginleika.
„Það er frábært að sjá hvernig Boeing 777X hópurinn hefur unnið saman og náð að klára öll stigin á hönnunarferlinu“, segir Bob Feldmann, yfirmaður yfir Boeing 777X deildinni.
„Við munum brúa bilið aflíðandi frá Boeing 777-300ER vélinni yfir í framleiðslu á Boeing 777X vélinni. Við munum ekki bara bíða eftir að 777X vélin fer í framleiðslu“, segir Elizabeth Lund í Boeing 777 framleiðslunni.
Bob Feldmann, yfirmaður Boeing 777X deildarinnar
Boeing 777X vélin mun koma í tveimur útgáfum, Boeing 777-8 og Boeing 777-9 en þann 30. júlí var Boeing komið með pantanir í 306 eintök frá því vélin var formlega kynnt til leiks árið 2014.
„Staðan á verkefninu er nákvæmlega sú sem við höfum óskað okkur. Við erum með nýja flugvél sem er á réttum tíma og allt samkvæmt áætlun“, segir Feldmann.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
