flugfréttir
Airbus ætlar að ná Boeing á Rússlandsmarkaði
30. ágúst 2015
|
Frétt skrifuð kl. 09:46
Christopher Buckley, forstjóri Airbus í Evrópu
Airbus hefur sett sér markmið um að ná að selja fleiri farþegaþotur en Boeing til Rússlands en eins og staðan er í dag eru 283 Airbus vélar í flota rússneskra flugfélaga á móti 296 vélum frá Boeing.
„Við látum Boeing standa á tánnum“, sagði Christopher Buckley, formaður Airbus í Evrópu við blaðamenn á MAKS flugsýningunni í Moskvu en hann telur að Airbus muni ná Boeing á Rússlandsmarkaðinum næsta sumar.
Aeroflot er að endurmeta ákvörðun varðandi pöntun á fjórtán Airbus A350-900 vélum og átta A350-800 vélum sem félagið hætti við árið 2014 en Aeroflot á að fá fyrstu A350 vélina árið 2018.
Vegna viðskiptahafta á Rússa hafa sum rússnesk flugfélög átt í erfiðleikum með að fjármagna þær vélar sem búið er að panta frá Airbus en Buckley segir að framleiðandinn sé tilbúinn að vera sveigjanlegur og bjóða upp á möguleika á að fresta afhendingum.
„Við erum tilbúnir í að taka hvaða áhættu sem er til að koma til móts við þá til að halda markaðshlutdeild okkar í kringum 50 prósentin“, segir Buckley.
Airbus telur að 1.300 nýjar þotur verði seldar til Rússlands og einnig til landa sem tilheyrðu áður Sovíetríkjunum á næstu 20 árum sem þýðir um 600 til 700 vélar fyrir Airbus.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
