Yfir 200 atvik frá árinu 2000 þar sem árekstrarviðvörun fór í gang í aðflugi

- Flestir flugmenn tilkynna ekki um hættulegar aðstæður í aðflugi

27. nóvember 2015

|

Frétt skrifuð kl. 14:54

Yfir 200 atvik hafa komið upp þar sem árekstrarviðvörun fer í gang í aðflugi frá árinu 2000

Á síðustu 15 árum hafa komið upp yfir 200 hættuleg tilvik í heiminum þar sem viðvörunarkerfi fór í gang og um borð í farþegaþotu og varaði við árekstri rétt fyrir lendingu vegna misheppnaðs aðflugs en talið er að í flestum tilfellum hafi flugmenn ekki greint frá þeim.

Þetta kemur fram í skýrslu frá Honeywell International en samantektin nær yfir 20 milljónir flugferða frá árinu 2000 en ekkert slys varð þó í þessum tilvikum þar sem árekstrarvari fór í gang þar sem flugmenn náðu að forða sér úr aðstæðunum á síðustu stundu.

Tölurnar sína að of lágt aðflug og bilun í siglingartækjum um borð sé orsök flestra flugslysa í lendingu og hafi ekki náð að koma í veg fyrir slík tilvik þrátt fyrir að verulega hefur dregið úr flugslysum sl. ár.

Honeywell framleiðir fjölda kerfa um borð í flugvélum en sérfræðingar segja að með mikilli tækniframför og betri lausnum í þróun á aðflugskerfum og stjórntækjum hafi náðst að fyrirbyggja mörg slys.

Airbus A340 vél SAS í lendingu á flugvellinum í Kaupmannahöfn

Honeywell vill samt ekki gefa upp hvaða flugfélög áttu í hlut og í hvaða löndum til að forðast deilur frá starfsmannafélögum flugmanna.

Honeywell tók saman upplýsingar úr 24,4 milljónum flugferðum frá árunum 2000 til 2015 en fyrirtækið kom auga á að 224 sinnum kom upp „ótímabært aðflug“ þar sem flugmenn voru í lokastefnu inn á brautina þegar viðvörun fór í gang sem sagði „pull up, pull up“ en annað hvort héldu flugmenn aðfluginu áfram og lentu eða fóru í fráflug („go around“).

Kerfið hefur sannað gildi sitt

Í flestum tilfellum tilkynntu flugmenn eða flugumferðarstjórar ekki um atvikið en Martin Chalk, forstjóri International Federation of Air Lines Pilots segir að flugmenn hafi lengi reynt að glíma við þessar aðstæður er kemur að árekstarvörn í aðflugi.

Don Bateman, sem sá um þróun á kerfi á tíunda áratugnum er nefnist Ground Proximity Warning System (GPWS) segir að flugmenn séu yfirleitt mjög fljótir að koma sér úr slíkum aðstæðum þegar árekstrarviðvörun fer í gang í aðfluginu. - „Þeir forða sér strax úr þessum aðstæðum með miklu hraði“, segir Bateman.

Robert Francis, yfirmaður hjá NTSB, segir að þessar tölur sýni fram á að búnaðurinn hafi sannað gildi sitt sem mjög vel þróað hugvit á sviði öryggis í fluginu.

Ground Proximity Warning System kerfi frá Honeywell

Fyrir 10 árum síðan var orsök 25% allra flugslysa í heiminum vegna aðstæðna sem komu upp þar sem flugmenn áttuðu sig ekki á því hvar þeir voru staddir og brotlentu eða flugu á fjall.

Árið 2014 var tíðni flugslysa af þeim völdum komin niður í 2% en árekstrarvara má finna um borð í 55.000 farþegaflugvélum og herflugvélum.

Í hvert skipti sem flugfélag sendir inn árekstrarvara í þjónustuyfirhalningu eða til viðgerðar til Honeywell þá safnar fyrirtækið upplýsingunum saman.

„Flestir flugmenn gera sér ekki grein fyrir því að upplýsingarnar eru til staðar í kerfinu en Honeywell hefur ítrekað tekið fram að fyrirtækið muni ekki gefa upp neinar upplýsingar varðandi tiltekið flugfélag til að koma í veg fyrir að viðkomandi áhöfn verði refsað.