flugfréttir

Tveir flugmenn segja augljóst að Zahaire flugstjóri lét MH370 hverfa viljandi

- Segja færri vísbendingar sem benda til súrefnisskorts og meðvitundarleysi

15. janúar 2016

|

Frétt skrifuð kl. 15:46

Zaharie Ahmad Shah flugstjóri

John Cox, sérfræðingur í flugöryggismálum og fyrrverandi flugstjóri hjá bandarísku flugfélagi, telur allt benda til þess að Zaharie Ahmad Shah, flugstjóri malasísku farþegaþotunnar sem leitað hefur verið að frá því í mars árið 2014, hafi rænt vélinni og grandað henni í votri gröf og segir fleiri vísbendingar sanna það heldur en kenningu stjórnvalda sem er sú að flugmennirnir hafi misst meðvitund.

22 mánuðir eru liðnir frá því að flug MH370 hvarf á leið sinni frá Kuala Lumpur til Peking en ekkert hefur spurst til vélarinnar þrátt fyrir stærstu og dýrustu leit sem gerð hefur verið að flugvél í sögu mankyns.

Samgönguöryggisnefnd Ástralíu (ATSB), sem hefur yfirumsókn með leitinni að MH370, ásamt stjórnvöldum annarra landa á borð við Malasíu, telja enn þann dag í dag að sennilegasta orsök hvarfsins sé sú að flugmenn vélarinnar hafi misst meðvitund vegna súrefnisskorts með þeim afleiðingum að malasíska farþegaþotan hafi flogið stjórnlaus suður í Indlandshaf þar til eldsneytið var á þrotum.

John Cox, sem í dag rekur ráðgjafarfyrirtæki á sviði öryggismála í fluginu, varar við því að gefast upp á leitinni að vélinni en áætlað er að leit verði hætt í júní í sumar en yfirlýsing Cox kom í kjölfar viðtals við flugstjórann Byron Bailey sem birtist í The Weekend Australian.

John Cox, fyrrverandi flugstjóri og fyrrverandi rannsóknaraðili hjá
NTSB (til vinstri) og Byron Bailey, flugstjóri (til hægri)

Bailey segir í viðtali við ástralska fjölmiðilinn að þau boð sem gervitunglið Inmarsat fékk frá vélinni á klukkutíma fresti á leið sinni suður í Indlandshaf bendi til þess að það var einhver við stjórnvölinn lengi vel eftir að samband við vélina rofnaði þar sem sjálfstýringin hefði annars alltaf stillt sig aftur á flugleiðina til Peking ef flugmennirnir hefðu misst meðvitund.

ATSB telur að vélin hafi flogið stjórnlaus suður í Indlandshaf en margir atvinnuflugmenn hafa bent á að Zaharie flugstjóri hefði alveg getað forritað flugleiðina inn í flugtölvuna (flight management system) á meðan að hann var við stjórnvölin.

„Það eru alls ekki nægilega margar sannanir fyrir hendi sem styðja kenninguna með að þeir hafi orðið fyrir súrefnisskorti og misst meðvitund“, segir Cox.

Cox segir að í rauninni eru fleiri sannanir sem benda til þess að ásetningur flugstjórans hafi verið vísvitandi.

„Mín kenning er sú að flugstjórinn sjálfur hafi látið flug MH370 hverfa vísvitandi“, bætir Cox við sem hefur starfað hjá Samgönguöryggisnefnd Bandaríkjanna (NTSB) og komið að sex rannsóknum á flugslysum.

Fjölskylda Zaharie hefur þvertekið fyrir það að flugstjórinn hafi átt þátt í hvarfi vélarinnar og því síður að hann hefði gert slíkt viljandi og rænt sinni eigin vél.

Var flogið eftir mörkum flugumferðarsvæða tveggja landa

Þá bætir Cox við enn og aftur að það gefi auga leið að eftir að malasíska farþegaþotan hvarf af ratsjá hafi verið reynt að fljúga henni viljandi eftir leiðum til að komast hjá því að hún kæmi fram á ratsjá og hafi það sést vel á því að vélinni var flogið milli flugumferðarsvæða tveggja landa áður en henni var beygt af leið, lengst suður í Indlandshaf.

„MH370 flaug nákvæmlega yfir þrjá staðsetningarpunkta sem eru á mörkum tveggja flugleiðsögusvæða - Það er gert til að villa fyrir löndunum sem gera ráð fyrir því að „hitt“ landið hafi stjórn með vélinni“, segir Cox.

„Það er mjög augljóst að flug MH370 var látið hverfa viljandi þar sem öll fjarskipti frá vélinni voru aftengd, ný flugleið sett inn í flugtölvuna og flogið á „landamærum“ tveggja flugumferðarsvæða“, segir Cox.







  fréttir af handahófi

Færeyingar panta tvær Airbus A320neo þotur til viðbótar

18. júní 2019

|

Atlantic Airways hefur lagt inn pöntun til Airbus í tvær Airbus A320neo þotur. Um kaup eru að ræða og undirritaði félagið samkomulag þess efnis við forsvarsmenn Airbus á flugsýningunni í París í dag.

Donald Trump kynnir nýtt útlit fyrir Air Force One

13. júní 2019

|

Donald Trump, forseti Bandaríkjanna, kynnti í gær nýtt útlit á nýju Air Force One forsetaflugvélina í viðtali við fréttamenn ABC News sem fram fór í Hvíta Húsinu.

„737-8200“ ekki nýtt nafn á Boeing 737 MAX

15. júlí 2019

|

Ljósmynd af nýrri Boeing 737 MAX þotu fyrir Ryanair hefur verið dreift á samfélagsmiðlum undanfarinn sólarhring með áletrunina 737-8200 framan á nefi vélarinnar.

  Nýjustu flugfréttirnar

„737-8200“ ekki nýtt nafn á Boeing 737 MAX

15. júlí 2019

|

Ljósmynd af nýrri Boeing 737 MAX þotu fyrir Ryanair hefur verið dreift á samfélagsmiðlum undanfarinn sólarhring með áletrunina 737-8200 framan á nefi vélarinnar.

Qatar Airways pantar átján einkaþotur frá Gulfstream

15. júlí 2019

|

Qatar Airways hefur lagt inn pöntun til Gulfstream Aerospace í 18 einkaþotur en tilkynnt var um pöntunina við athöfn sem fram fór í Hvíta Húsinu fyrir helgi.

Berjaya kaupir Icelandair Hotels og tengdar fasteignir

15. júlí 2019

|

Stjórn Icelandair Group hf. hefur skrifað undir kaupsamning við Berjaya Property Ireland Limited („Berjaya“), dótturfélag Berjaya Land Berhad um að Berjaya eignist meirihluta í Icelandair Hotels („fél

Yfirmenn hjá Boeing, Ryanair og Norwegian stíga til hliðar

12. júlí 2019

|

Þrír yfirmenn í flugiðnaðinum hafa sl. sólarhring tilkynnt að þeir muni yfirgefa yfirmannastöður sínar ýmist strax eða á næstunni.

Bellew mun hætta sem rekstrarstjóri Ryanair

12. júlí 2019

|

Peter Bellew, rekstarstjóri Ryanair, hefur tilkynnt að hann muni segja starfi sínu lausu og hætt sem rekstarstjóri félagsins fyrir lok ársins.

Flugstjóri missti meðvitund í aðflugi að Moskvu

12. júlí 2019

|

Flugstjóri á Fokker 100 þotu frá flugfélaginu Montenegro Airlines veiktist og missti meðvitund í vikunni í aðflugi að Domodedovo-flugvellinum í Moskvu í Rússlandi.

Qatar gerir stóran samning við General Electric og Boeing

12. júlí 2019

|

Stjórnvöld í Qatar hafa undirritað stóran viðskiptasamning við Bandaríkin um kaup á hreyflum og nýjum farþegaþotum en um 600 milljarða króna samning er um að ræða við hreyflaframleiðandann GE Aviatio

Bjørn Kjos segir af sér sem framkvæmdarstjóri Norwegian

12. júlí 2019

|

Bjørn Kjos, framkvæmdarstjóri Norwegian og einn af stofnendum félagsins, hefur ákveðið að stíga til hliðar og mun hann yfirgefa forstjórastólinn eftir að hafa stjórnað flugfélaginu norska í 17 ár.

Air France ósátt við nýja umhverfisskatta á farþegaflug

11. júlí 2019

|

Stjórnendur Air France eru mjög ósáttir við nýja umhverfisskatta sem ríkisstjórn Frakklands ætlar að innleiða frá og með árinu 2020 og segir stjórn flugfélagsins að skattarnir eigi eftir að gera Air

Delta segir formlega skilið við Boeing eftir 50 ára viðskipti

10. júlí 2019

|

Eftir að hafa verið viðskiptavinur Boeing í 50 ár og fengið reglulega nýjar flugvélar frá framleiðandanum frá sjöunda áratug síðustu aldar þá mun Delta Air Lines ekki fá fleiri þotur eftir að síðasta