flugfréttir
Breytingar á skiltum og merkingar á brottfararhliðum á KEF
6. apríl 2016
|
Frétt skrifuð kl. 20:05
Merkingum og skiltum verður breytt aðfaranótt fimmtudagsins 7. apríl
Breytingar verða gerðar í nótt á skiltamerkingum og númerum brottfararhliða á Keflavíkurflugvelli.
Isavia hefur undanfarið unnið að breytingum á skiltum og leiðbeiningarkerfi flugvallarins í heild með það að markmiði að auðvelda farþegum að komast leiðar sinnar innan flugstöðvarinnar. Við vinnuna hefur Isavia notið ráðgjafar frá danska fyrirtækinu Triagonal sem hefur mikla reynslu af hönnun upplýsingaskiltakerfa meðal annars fyrir flugvelli, lestarstöðvar og sjúkrahús.
Hlið verða nú aðgreind með lit og bókstaf eftir því í hvaða hluta flugstöðvarinnar þau eru og hvort þau eru fyrir flug til áfangastaða innan eða utan Schengen svæðisins. Leiðbeiningakerfið er hugsað til framtíðar og mun falla vel að framtíðaruppbyggingu samkvæmt þróunaráætlun Keflavíkurflugvallar.
Að neðan má sjá hvernig númer núverandi hliða munu breytast. Hliðin sem hafa bókstafina A og C eru fyrir áfangastaði innan Schengen svæðisins en þau sem hafa bókstafinn D eru fyrir áfangastaði utan Schengen.
Þróunaráætlun Keflavíkurflugvallar gerir ráð fyrir nýjum brottfararhliðum til austurs og vesturs frá norðurbyggingu. Þau nýju hlið munu í framtíðinni vera merkt A og B og hliðin í suðurhluta flugstöðvarinnar bera bókstafina C og D.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
