flugfréttir

MH370: Telur að braki hafi verið komið fyrir í sjónum vísvitandi

- Engir hrúðurkarlar benda til þess að brakið hafi verið stutt í sjónum

17. apríl 2016

|

Frétt skrifuð kl. 14:53

Í nokkur skipti á þessu ári hefur fundist brak sem talið er tilheyra flugi MH370 fyrir utan fyrsta brakið sem fannst á eyjunni Réunion í júlí í fyrra

Sjálfstæður rannsóknaraðili, sem hefur rannsakað og skrifað bók og greinar um hvarf flugs MH370, telur að þau brök sem hafa fundist á þessu ári við strendur Afríku, sem talin eru tilheyra malasísku farþegaþotunni sem hvarf í mars árið 2014, hafi verið komið fyrir vísvitandi til að villa fyrir rannsókn á hvarfi vélarinnar.

Í nokkur skipti á þessu ári hefur fundist brak sem talið er tilheyra flugi MH370 en , þann 2. mars kom Bandaríkjamaður auga á brak á strönd í Mozambique sem talið er hafa verið hluti af „kanóa“ undan væng á Boeing 777.

Í kjölfarið kom fram ungur maður sem hafði á svipuðum stað fundið hluta af stélvæng vélarinnar, þann 22. mars fannst brot úr hreyflahlíf á strönd í Suður-Afríku með merki Rolls-Royce og fjórða brakið kom í ljós þann 2. apríl sl. sem talið er vera eining af vegg á Business Class farrými vélarinnar þar sem hluturinn ber sama mynstur og finna má um borð í vélum Malaysia Airlines.

Bandaríski rithöfundurinn Jeff Wise, sem rannsakað hefur sjálfur hvarf flugs MH370, skrifaði grein á blogsíðu sinni á dögunum þar sem hann greinir frá atriðum sem hefur vakið undrun hans varðandi þessa fjóra hluti sem hafa fundist á sl. mánuðum.

Brakið sem fannst á eyjunni Réunion í júlí í fyrra (vinstra megin uppi) var það eina sem var þakið hrúðurkörlum eftir að hafa legið í sjónum í meira en ár

Ólíkt brakinu sem fannst á frönsku eyjunni Réunion í júlí í fyrra, sem er eina brakið sem hefur verið staðfest að tilheyri malasísku farþegaþotunni, þá hafa hin brökin ekki verið þakin hrúðurkörlum eða sjávargróðri.

Wise setti sig í samband við haffræðinga sem sögðu honum að ástæða þess að engir hrúðurkarlar hafi verið á þeim hlutum sem hafa fundist að undanförnu sé sennilega sú að þeir hafi verið í sjónum í mjög skamman tíma - Í nokkrar vikur eða jafnvle örfáa daga áður en þeim skolaði á land en 25 mánuðir eru frá því að flug MH370 hvarf sporlaust á leiðinni frá Kuala Lumpur til Peking.

Wise hafði einnig samband við sjávarlíffræðinga og fékk hjá þeim upplýsingar sem hann notaði til að gera kort af hitastigi sjávar á nokkrum svæðum í Indlandshafinu yfir mismunandi árstíma og bar saman við kort með hafstraumum en samkvæmt þeim er mismunandi aðstæður sem valda myndun hrúðurkarla eða annars sjávargróðurs á hlutum sem eru á reiki á sjó í langan tíma.

Kort sem sýnir þær leiðir sem talið er að brökin hafa rekið með hafstraumum og hitastig í Indlandshafi

Fram kemur að það brak sem fannst við strendur Mozambique hefur annað hvort rekið norður eða suður fyrri Madagascar en hvora áttina sem það fór þá eru sjórinn við Madagascar og austur af eyjunni mjög hlýr og aðstæður og kjörnar aðstæður fyrir myndun hrúðurkarla.

Annar haffræðingur telur að brakinu hafi skolað á land í annað sinn

Ástralski haffræðingurinn David Griffin, sem hefur unnið fyrir áströlsk flugmálayfirvöld, sem hafa stjórnað leitinni að flugi MH370 í Indlandshafi, segir að það hafi einnig vakið eftirtekt hans að á myndum af þeim brökum, sem hafa fundist nýlega, hafi engir hrúðurkarlar verið sjáanlegur.

Jeff Wise er meðlimur í rannsóknarhópnum Independent Group

Griffin telur þó að ástæða þess sé að sennilega hafi viðkomandi brak legið í einhvern tíma í hitanum á strönd áður en það fannst og hafi sólin brennt þá í burtu og því næst hafi braki farið aftur út á sjó með öldugang í óveðri og skolað aftur á land í annað skipti.

Jeff Wise segist ekki kaupa þá kenningu þar sem hann hefur skoðað veðurupplýsingar þar sem ekkert bendi til þess að „slæmt veður“ hafi valdið því að öllum brökunum hafi skolað út á sjó og upp á land aftur á þremur mismunandi stöðum, bæði í Mozambique og í Suður-Afríku.

Wise telur ekki ólíklegt að einhver, eða einhverjir, hafi komið braki fyrir í sjónum í nokkur skipti og hefði slíkt athæfi þá mögulega verið hluti af leynilegri hernaðaraðgerð.

Jeff Wise er meðlimur í rannsóknarhópnum Independent Group sem hefur rannsakað hvarf flugs MH370 með því markmiði að komast að því hvað raunverulega gerðist sem olli því að vélin hvarf en rannsókn hvarfsins hefur verið mjög umdeild þar sem margir telja að stjórnvöld séu á bakvið hvarfið og séu að sópa sannleikanum undir teppið.

Jeff Wise er einnig sá sem kom fram með kenninguna að malasísku farþegaþotunni hafi verið flogið í laumi, framhjá radar, til Kazaksthan að beiðni Vladimír Pútíns, Rússlandsforseta.







  fréttir af handahófi

Endalok Airbus A380 veltur á nýrri pöntun frá Emirates

5. janúar 2018

|

Samkvæmt þremur heimildarmönnum, sem kunnugir eru innan herbúða Airbus og koma ekki fram undir nafni, þá er Airbus í starholunum með að hætta framleiðslu á risaþotunni A380 ef Emirates ákveður að le

Sex svifflugum stolið frá flugklúbbi á Jótlandi

2. nóvember 2017

|

Sex svifflugvélum var í vikunni stolið frá svifflugsklúbbi einum á Jótlandi en brotist var inn á Vesthimmerlands-flugvellinum nálægt bænum Aars, skammt suðvestur af Álaborg.

Flugfélög í Nepal verða áfram á svörtum lista hjá Evrópu

4. desember 2017

|

Flugfélög í Nepal eru enn á svörtum lista hjá Evrópusambandinu þrátt fyrir tilraunir meðal flugmálayfirvalda í landinu um að fá banninu aflétt.

  Nýjustu flugfréttirnar

Leggja til að þriðja flugbrautin verði 300 metrum styttri

18. janúar 2018

|

Lögð hefur verið fram tillaga sem miðar af því að stytta þriðju flugbrautina á Heathrow-flugvellinum í London en tillagan hefur verið kynnt með nokkrum breytingum varðandi framkvæmdir á þriðju brautin

Íslendingur sigrar á heimsbikarmóti í svifvængjaflugi

18. janúar 2018

|

Hans Kristján Guðmundsson, svifvængjaflugmaður, náði þeim einstaka árangri að sigra keppnisdag á heimsbikarmótinu í Svifvængjaflugi sem fram fer í Kólumbíu.

Í beinni: Pegasus-þotan fjarlægð af vettvangi

18. janúar 2018

|

Á þessu augnabliki er verið að vinna að því að fjarlægja Boeing 737 þotuna frá tyrkneska flugfélaginu Pegasus Airlines sem fór út af braut eftir lendingu á flugvellinum í borginni Trabzon í Tyrklandi.

SAS velur Airbus í stað Boeing

17. janúar 2018

|

SAS (Scandinavian Airlines) hefur slitið viðræðum við Boeing um nýja farþegaþotupöntun og hafið lokaviðræður við Airbus um pöntun sem sögð er vera í stærri kantinum.

Ryanair aftur komið með áhuga fyrir Niki

17. janúar 2018

|

Ryanair hefur aftur fengið áhuga fyrir því að eignast austurríska flugfélagið Niki en félagið hefur staðfest að það hafi haft samband við austurrísku gjaldþrotanefndina og lýst yfir áhuga á að taka y

Norwegian mun hætta flugi milli Edinborgar og Connecticut

17. janúar 2018

|

Norwegian hefur ákveðið að hætta Atlantshafsflugi sínu milli Skotlands og Connecticut í Bandaríkjunum en félagið hefur flogið frá 22. júní í fyrra milli Edinborgar og Hartford.

Zambia Airways mun fljúga á ný eftir 24 ára hlé

17. janúar 2018

|

Zambia Airways ætlar að hefja sig aftur á loft en flugfélagið varð gjaldþrota fyrir 24 árum síðan.

EasyJet tekur á leigu tvær fjögurra hreyfla BAe 146 þotur

16. janúar 2018

|

EasyJet hefur tekið á leigu tvær farþegaþotu af gerðinni British Aerospace 146 en vélarnar er teknar á leigu frá þýska flugfélaginu WDL Aviation sem mun sjá um flugreksturinn fyrir hönd easyJet.

Stefnir í lokun á flugvöllum - Innanlandsflugið á þolmörkum

16. janúar 2018

|

Það var þéttsetið á morgunfundi Isavia í morgun þar sem framtíð innanlandsflugsins var rædd en gerð var grein fyrir þeirri stöðu sem blasir við rekstri flugvalla landsins.

Arlanda-flugvöllur tekur í notkun hlið fyrir risaþotur

15. janúar 2018

|

Arlanda-flugvöllurinn í Stokkhólmi er nú tilbúinn til að taka við risaþotunni Airbus A380.